هذا موضوع قرأته واعجبت بالمشكله اللي يحتويها واللي نعيشها بواقعنا اليـــــــــــوم
اترككم معـه ......
إخوتي الأعضاء(صبايا وشباب) اليوم أبث عبر سطوري كلمات من الواقع ..تحمل بين طياتها الكثير من المعاني..مغزاها جلي وواضح..يمس حال كثير من مجتمعاتنا.. يجسد واقعا مؤلما يسيطر على تفكير أغلب شبابنا..
إنه موضوع حساس عنوانه..
**_المسترجلة والمتغنج_**
موضوع خطير وظاهرة متفشية إنتشرت في الآونة الأخيرة بين الشباب بمختلف الجنسين..
فما فحوى هذا الموضوع ؟ وماذا أريد أن أصل إليه؟ وماذا سأكتب عنه؟؟
هذا ما ستعرفه بعد قرآتك للموضوع..
ولكن.............*أعذروني على الأسلوب وعلى الكلمات فأنا لست مبدعة في هذا المجال وإذا أخطأت فسددوني وإن أصبت فالله الحمد*
بما إني عرفت بنات كثير في المدرسة والجامعه ومن خلال ملامستي المستمرة بمجتمع البنات , صرت ألاحظ بنات كثير مغيرين في الشكل الخارجي تماما , ومن يشوفهم يقول ولد إلا إذاأعطتني وجهها عرفت إنها بنت.. والله البنات بيروحون فيها
الشعر منحوت
والهرج رجال يتكلم
واللبس عليه السلام..
وإيش المقصد ماتعرف لهم سالفة تتكلم من طرف أنفها لوأحد يطالع فيها قلبت الأرض فيه .. لييييييييييش؟
ماأعرف إيش قصدها يمكن تبغى تلفت النظر لها ..
لاوكمان العبايه صارت مثل ثوب الرجال والأكمام مشمرتها .. مابقي غير الشارب واللحيه وخلاص رجال شكلا لافعلا..
وبعد يومين بنناديها فيصل أوراكان أوتركي>> على كيفك حبيبتي أختاري..
أما الأولاد..
خلصوا الجل من المحلات وخلصوا الكحل وكمان الإستشوارات..
الشعر مطولينه للكتف لاوكمان رابطه بربطه حمرا أو عنابي ... ليييييييييييييييييش؟؟
العيون مكحله ومدعجة كمان بالكحل وماسكرا مائية وشغلات ... أحسهم يتعبون إذا جووا يغسلونها..
والشعر مجعدينه ومسووين تسريحات بنات وخصل وغرة كمان , مابقوا شيء للبنات..
الشعر اليوم مجعده وبكره مستشوره واليوم إللي بعده رابطه >>ياعمي وش فيك يبغى يغير اللوك تبعه مو ع شكل واحد..
أما الأعطار فحدث ولا حرج الرجال معروف يحب العطر إللي يبرز شخصيته ..
أما الشباب اليوم >>يروح يدور ع أكثر عطر نسائي نعومي ويشتريه لا وكمان يآخذ التكميله تبعه((اللوشن وجل الجسم والشامبو!!!))
لا ويسابق أخته ع الكريم الواقي من الشمس وع علبة المكياج ..يييييييييييييييه تافهين..
وبعدين وش الفائدة..
صرت ناعم.. إيش باقي ؟؟
أهااااااا عرفت باقي تقول إسمي حنين أورؤى أورندا أودارين؟؟ صح ؟؟
هذا الواقع بكل أسف..
ياشباب أصحوا (بنات وأولاد)
أصحوا من نومكم والله إنكم ماتنفعون لشيء ..
الرجال صار إسم بدون معنى..
تيجي وقت الحاجه تبغاه يفزع لك وتلقاه شبيه بأختك لامرجلة ولا فزعات..
وإذا حملته مسؤوليه أداها على أخس وجه..
والبنت إذا كلموها عيب كذا مايصير قالت هذي المدنية والتحضر>>وين ياعمي أي مدنيه وأي تحضر تغيرين من شكلك وتقولي تحضر؟؟؟؟
الله المستعان..
هذا الحال تعرفون وش يبغاله؟؟
يبغاله _نمسك كل واحد ونعطيه علقة ع مستوى عشان يبطل هبل وإستهبال _ ولا أحسن _يبغاله كف جامد يصحيه من نومه ويوريه الطريق الصح_
*************************
لأن الكلمة الطيبة ماعد تنفع وإذا الأسلوب ماجاب وسيلة!!! وش ينفع غير التكفيخ..والعلق؟؟؟
هذا موضوعي ..
وأنتظر إثرائكم له ..
وأعذروني إذا بالغت..لأن هذا الواقع وماينسكت عليه..
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 2
العرض العادي
