قمة التحشيش والدجه هع هع

[مجبور انساك]

السلام عليكم ورحمتن من الله وبركاته



صبحكم او مسيكم بالخير يا هذولي

اكيد مستغربين وش ذا وش قصته قصتي فرزاتشي خخخخخخ

المهم الموضوع يتكلم عن بعض الكلمات ومعانيها
او اقرب شيء لها طبعا الهرج عامي لابعد زلفه <- (درجه)
الزبده <- وتعني صلب الموضوع

تسذا ... المعنى واضح يعني كذا ولازم تقولها وانت ماد براطمك لتحت

بذا.. فيذا .= . هنا . " حط العشا فيذا " يعني هنا

مير = لكن

غديه او غديها +كوده او كودها = لعل

صدز = صدق والا صدزيه يعني صدقيه

زلابه ,,,,, يعني بطه مالها معنى ثاني

دبووج ,,= ؟؟؟؟؟؟؟؟ بس انها شينه يعين اذا واحد قالها لك تراه يسبك

دلخ ,,,,, انظر اعلاه

هزع ... او تهزع = تدنق+ تطمن+ والا تنزل ,,, اللي تبي كلوو ماشي

منهو .... من هو وانتهينا

مهيب والا مهوب ولا بوب =بالعربي ( ليس ) مثل " هذا التفتر مهوب لتس يانوير هذا التفتر لاختس دليّل "

هقوتي يعني ( اظن ) مثل " هقوتي انه بذا..فيذا..هنا "

توحي ..... تسمع ,,, اذا جيت تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه على يسمعك ) وبيقول لك من انت ولده ... الخ "

ابووو ,,,,, هذي مالها معنى صدز بس ممكن تسمعها من البزران اذا قال واحدن منهم ابوو اللي شاف دوكفليد في الشارع امس.وتسمع هالبزارين كلهم يقولون ااابوووو ,,,,, علشان ما يقهرهم .

تباوووو ,,,, هذا اذا كنتم بتلعبون كوره (( ولازم تكون كورة غصب )) لازم يروح كل اثنين يتبارون , ويقول الاول انا بردقانه والثاني تفاحه ويرجعون ويقولون يابردقانه ياتفاحه (( والله لو يستخدمونها في كاس العالم اصرف من هالقرعه ))

, كتر ,,, ويقول الواحد لاخوه وهم يتغدون من صحن واحد " لا تاكل من كتري " = جهتي

بصرك ,,,, يعني بكيفك .... تقول لواحد تعال معنا ... ويقول لك لا منيب جاي ,, ترد عليه "بصرك "

بعدي ...... مهوب بعدي يعني بعدي بس بعدي .... يعني مثلا يقول الابو لولده ,,, بعدي ابوي بس مدري وشلون تنشرح

امصع ..... يعني اسحب بقووووه مثل الام اذا قالت لولدها تراني بمصع اذنك لو ما درست

امحق ... هذي محتارين فيها العلماء بس انشالله خير وبيطلعون لها تصريفات للماضي والمستقبل ,,,, واللي عنده مثل عن امحق يلحقني لاني تورطت بهالكلمه

يدربي ...... يعني يدحرج .... مثل واحدن من الشباب اسمه مدربي رويسه ....

زبيريه ..... نوع من النعال وهو احسن مبيد للصوارير والضواطير ! والحشرات الزاحفه الاخرى
سرسري . يعني سربوت سربوت . يعني داشر داشر , يعني صايع في الشوارع وهو اسهل واحد يطيح في التتن تتن ......... دخان برندا ..... ميراندا,, لان اول واحد قالها في الرياض كان مزكم وقال براندا محلي ......... مصدي ياخزياه ....... اكثر من يقولها العجز الله يخليهم لنا ولا يحرمنا من حتسيهم ديرمه ....... روج الاولين يصطر ......... يصفق مثل ترا ابصطر كف يعني بصفقك كف

سواني ,,, رح للجنادريه وانت تعرف وشي ,, ترا مهيب السوق ...

زبيل .,,, وانت رايح للجنادريه تشوف السواني اسئل عن الزبيل

سماط ,,, لا تروح للجنادريه , رح لاقرب محل مواعين وقل عطني سماط ,,,,, مفرش ناكل عليه ومنول نسميه سفره

دارسين ,,, عودان يحطونها الحريم مع الاكل بس مدري وشي

ملاس ,,,, ننتسب به الغدا

مراصيع ,, وفي روايه اخرى رصع ,,, اسالو الحريم ويعلمونكم عنه

صبيب ! ,,,, انظر اعلاه ,,, هو نفسه بس بطريقه ثانيه

ترم ترم ,,,,, فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه يسمونه النمر الوردي

قاف ,,,,, منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها ودايمن تقول الام لولدها اذا ازعجاها " رح في قاف " عوافيالله هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافيالله وذا بالظهر يقولون حمار القايله

جغمه = جرعه

انقلع + اذلف = فارق

وشذا = ماهذا؟

صدوا للبر = عبرة تدل على التعجب

الحوي = فناء الدار

لابد = مختبأ

ارجهن = هجد أو ركد
اوايق= اناظر

الغما = السقف
يرمعل = يدهر
خماتسير <-- اقدم اسم = خلاقين= هدوم =ملابس

المزوده = الشنطه
يطنب = يدق بوري
صرو= اجمعوا
النواب= الهيئه
التليكه: الحذيان او النعال الله يكرمكم

تكزوه = :ترسله
وين هولوه تتروح = الي اين انت سوف تذهب

هاجين...هج = . منحاشين انحاش
نكست... رجعت



دنينه .... سياكلنا من اول (( ااااان اااااااان )) ترا الاصوات لازم اللاعب هو اللي يطلعها (( حلوه اللاعب ,, اقصد المبزره اللي يلعبونها من اول )) ويازينه من ايام بعد وفيه كلمه معناها " لا " اللي هي ((لااااااااااااااع )) ولازم تصر براطمك وتسحب لسانك جوا وتطلع معك الكلمه وممكن يطلع معها صفيره ,, وبعد فيه " ءء " وتطلع من الحلق مثل اذا جيتا لبزر وقلت له عطني الكوره بيقول لك " ءء " وبيرفع خشته فوووووق وهو يقولها ...

==================================

قسمن تعبت ونا أقص و ألزق اللي يشوفني
كني بدرس فنيه = رسم

ادري بتقولون وشيبي ذا سادح موضوعه اللي ماله داعي هنا
بس مسكت معي الا انزله هنا خخخخخخخخخخخخخخخ

بررررررررررررررررررررررررررررربونه

اخوكمـ تايقر

[Rayeq 5]

تايقر 2007

يسلموووووووووووووووووووووووووووووووووووووووووو
على الهبال كله يعطيك العافيه و العقل
و أظن انك بحاجه للأخير :1:

وترا زلابه تعني ان الواحد اللي عطوه شغله و ما قدر يسويها يقولون له زلابه >> بغيت اعرفها معليش :1:
ههههههههههههههههههههه

طيب عرف منسم ؟؟ :1: >> ميدك :1:
هههههههه



تحياتنا للشباب المهجولين :47: :1:

[خًجْولـة آلمَبْسَـمَ]

بعدي ...... مهوب بعدي يعني بعدي بس بعدي .... يعني مثلا يقول الابو لولده ,,, بعدي ابوي بس مدري وشلون تنشرح
<<<<<<<<<وصلت المعلومه:)

هههههههههههههههههههههه

يسلمو خيو تايقر عالطرح الخفيف

تحياتي

[أمــيـرة بـكـلـمـتـي]

ههههههههههههههههههههههه..

امصع ..... يعني اسحب بقووووه مثل الام اذا قالت لولدها تراني بمصع اذنك لو ما درست<<<شرح معبر
يسلمووووووووووو تايقر ..

يعطيك الف الف عاافيه ..

[ليـــ السهارىـــــل]

والله يبيلك مصعت اذن <<<<<<<< هههههههههه
يعطيك الف عافيه ع الموضوع اللي ما عرفت اقرا نصه وافهمه حتى مع الشرح
بس فيه كلمات اعرفها .....
تقبل مروري