انا الناقل ولست المجرب
هلا والله
كيفكم بنوتات ايش اخباركم
عندي لكم موضوع روعه اللي تبي شعرها يغزر باسبوع
والله يابنات اني مااكذب عليكم
عندي جارتي باالبنايه هنديه وماشالله ماشالله شعر بنتها الكبيره 3 سنوات غزززززززززير مره
وعندها بنتها الصغيره شعرها مو مثل شعر اختها خفيف خصوصا من فوق وفيه فراقات وايد
من اسبوع راحت عند اختها ولا شفته ويوم جات اليوم والله ماصدقت والله يابنات اني مااقول الا الحقيقه ما شالله ماشالله فروة راسها اللي كانت واضحه متغطيه كلها بالشعر وغزير بس
ماطول وايد شوي بس غزاره غزاره
والله اني اندهشت مره
وعلى طول سالتها ايش حاطه لها كنت متوقعه انها ودتها وضربت لها ابر براسها علشان يطلع الشعر
قالت لا صديق زوجها شاف البنت كذا وعلمهم على زيت لشعرها تقول دوروه كم محل الى ماحصلوه
وهو رخيص مو غالي 14 درهم يعني 14 ريال
انا رحت على طول ودقيت على السوبر ماركت اللي جنبنا وعطيتها التلفون قلت لها اساليه
اذا عنده او لا ويوم سالته قال موجود حتى هي استغربت شلون موجود وهي مدورته بكم مكان
وجابه لي ومن اليوم بديت على شعور عيالي
وان شالله اذا طلعت النتيجه بخبركم
والزيت اسمه
anoop
ويعلم الله ان كل اللي قلته صحيح ....
يالله نجي لاحلى طريقة وسهلة وسريعة وتعطيكي نتائج روووووعة وانا مجربتها
تبغين شعرك كنه مبلول ؟؟وعندك خرجة؟؟ومطولة فيها؟؟وماتبغين انه ينشف؟؟عاجبك شكله مبلول؟؟
يالله معايا
الخطوة الاولى: تروشي
الخطوة الثانية:حطي في شعرك زيت بيبي جونسون ماغيره حق البيبيات النونو
الخطوة الثالثة:حطي جل ومشطي شعرك بمشط واسع او باصابيعك
الخطوة الرابعة:حطي قليييييييييل زيت بس كذا امسحي على راحة يدك وامسحي شعرك كله
الخطوة الخامسة :البسي ملابسك حطي ماكياجك والبسي الجزمة وخذي الشنطة والبسي العباية وادعي لي
انا مجربتها والحين شعري كنه مبلول وله تقريبا 10 ساعات
والله يجزاها الف خير اللي دلتني على هالوصفة لانه شعري مموج وهو مبلول يطلع شكله حلو لكن لما ينشف ينفش ويصير يخرع واذا مشطته ياسلاااااااام كانه شعر الزير سالم لاتضحكون بجد والله بس انا اهتم فيه يعني الحين تعدل كثير صار ينفش صح بس المه ببكله المهم طريقة مالها داعي بعد الطريقة الحلوة هذي بصراحة شعري هلأ بيعئد
ترى الطريقة منقولة
لاتنسون ادعوا لي اذا اعجبتكم واذا مااجبتكم لاتدعون علي ok??
السلام عليكم عزيزاتي ....
اليوم بقول لكم تجربتي مع هالخلطه الهنديه ....
بصراحه هالخلطه عطتني اياها هنديه في صالون وقالت لي لا تقولين حق حد بس انا ابي الاجر والله يشهد ان اللي قالته لي طلع كله صح قالت لي ان هم في الهند يسوون هالطريقه وانا بصراحه سعيده جدااا بالنتائج والله يابنات شي عجيب ....
هذي الخلطه تنبت الشعر 100% وايضا تخليه طري وناعم ولامع وتطوله بعد
::::::::الاشياء اللي نحتاجها ::::::::::::: ....
1- زيت Anoop تحصلونه في محلات الهنود هو زيت لون علبته خضراء
2- زيت جوز الهند حتى لو كان برشوت لان برشوت ايضا جيد
3-زيت اللوز
4-زيت الخروع
5- ماء ساخن
6-فوطه خاصه للشعر ((طبعا بتوصخ))
7- كاب للشعر
8-قطن الخاص بالوجه
9-ورق نايلون ((الخاص بالاكل))
::::::::::::::::::الطريقه :::::::::::::::::::::::::::::: :::::
تاخذين طاسه صغيره وتحطين الزيوت بكميات متساويه وتكثرين من جوز الهند ...
الحين تحطين القطنه في الزيت وتعصرينه شوي وتحطينه على فروة الراس مع التدليك بالقطنه
فهمتووو شلون اعتقد سهله يعني نوزع الزيت في الشعر عن طريق القطن لانه يدخل كميه للفروه
لين خلصتوووو الحين نسوي تدلين باطراف الاصابع مانضغط بقوه تحملوووو يطيح الشعر هالطريقه
بحركات دائريه بخفه نركز على الفروه مهب الشعر ...
الحين بعد ماخلصنا من وضع الزيت في الشعر و التدليلك نلفه بطريقه محكمه ...
الحين ناخذ النايلون ونلفه على الشعر كله مانخلي مجال للهواء تحملوووو الزيت يوصل للجبهه لانه ينبت الشعررر مب تقولوووون انا ماقلت ....
ونحط الكاب على النايلون ...
نحط الفوطه في الماء الساخن ((تحملو تحرقون ايديكم )) ونعصرها زين مازين ....
بس نحاول ان البخار يتم فيها ونحطه على الراس ونلفه مثل (((سندباد )) هههههههههههه يعني عمامه
لالا ااتغشمر وياكم بس لازم تلفينها بطريقه ان الحراره اتم في الفوطه ....
ونخليه لين تبرد الفوطه بامكانا نكرر هالعمليه اللي هي الفوطه
بس لازم لازم كل ليله تحطونه وتنامون او في النهار لمده 8 ساعات على الاقل لما تحطون هالخلطه ...
وصدقوني مايكمل 3 يوووم الا النتايج طالعه ... واستمرووو عليه لمده شهر على الاقل
وبتقولوووووووووووووووووون اني قللللللللللللللللت لكم الله يشهد انا يابنات مجربه هالشي ولين الحين
اسويها يوميااااا ....
اخواتي الكريمـات
،،،، يسعدني في أول مشاركه لي ان اذكر بعض الأسباب الطبيه المهمـه لتساقط الشعر :-
قد يكون السبب الأساسي لتساقط الشعر لدى الكثير من الرجال والنساء هو زيادة معدل هرمون DHT المسؤول عن سن البلوغ وهو بكل بساطه يسبب تلف الشعر عن طريق جعل الشعر الجديد في كل مره أقل سماكه واضعف من السابق حتى يؤدي ذلك إلى تلف بصيله الشعر تماما وفي هذه الحـاله يجب أن يكون في مستحضر الشعر أحد المواد التي تقلل مستوى هذه الماده مثل ماده ( Saw Palmetto ) والتي عاده تستخدم لهذا الغرض
احد العوامل الأخرى المسببه لتساقط الشعر هي المخلفات المتنوعة لفروة الرأس مثل خلايا الجلد الميتة ، المواد الدهنية والزيوت التي يفرزها جلد الرأس وفضلات مستحضرات الشعر ، حيث تجتمع هذه المسببات لتؤدي إلى إغلاق مسامات جلد الرأس وبالتالي إتلاف بصيلات الشعر بصورة تدريجية ، وتؤدي هذه البيئة الغير صحية في فروة الرأس إلى نمو البكتيريا وزيادة الضرر مما يؤدي في النهاية إلى تساقط الشعر وضعف نموه ، وللعلم فأن الغسيل المستمر للشعر بالشامبو لايعتبر كافيا للتغلب على هذه المسببات الضارة
كذلك يؤدي النقص في التغذية اللازمة لبصيلات الشعر إلى ضعفها بصوره تدريجية وبالتالي موتها مبكرا وقد يؤدي ضعف الدورة الدموية وهرمون DHT إلى زيادة تساقط الشعر وتلف البصيلات بصوره متسارعة مما يؤدي في النهاية إلى كثافة الشعر المتساقط وظهور نقاط متفرقة من الصلع
وهنـاك عوامل مهمـه اخرى مثل الولاده ، النزف الدموي الحـاد ، ارتفاع حراره الجسم ، انقاص الوزن بشكل سريع ، الصدمـات النفسيه وغيرهـا
اخواتي هاده لست انا من كتبها ولكن هناك من جربها من قبل اتمنى ان تنال اعجابكن ...... اخوكم :
....
العرض العادي
