كرهي لك أكثر من حبي لك .......

[العازف]

طارق ماعمره بحياته حب ولايعرف معنى كلمة حب , ولا فكر يوم إنه يجرب كلمه حب , ولاخطر بباله إنه ينطقها لأحد !! عايش طول عمره بين أهله وأصحابه والضحكة ماتفارق شفايفه لأنه بطبعة إنسان خفيف دم وإجتماعي ويحب الطلعات والأجتماع والسهر مع أصحابة , وبيوم ومن غير مقدمات اتصل بصديق عمره ورفيق الطفولة "عادل" ورد على التيلفون صوت خيالي ماعمره بحياته سمع مثله, وكان الأسلوب أكثر من راقي وذوق وشفاف, المهم طلب عادل وكلمه وقابله بالمكان المعتاد "الديوانية"وكان في ذهن طارق مئه سؤال لعادل يتعلق باللي رد عليه!! بس طبع طارق مايخليه يتجرأ ويسأل بشئ مايخصه مهما كانت بينهم علاقة قوية.. فكر طارق وعرف إنه معطي السالفة أكبر من حجمها , وقرر ينسى الموضوع كله وأكتملت السهره على خير...
وبعد أسبوعين..جاء واحد من أصحاب طارق وشايل بصدرة هموم الدنيا كلها وزعلان ومتكدر خاطره, وطارق مايحب النكد ولايحب يشوف واحد من أعز أصحابه زعلان.!! فسأله طارق خير يا"محمد"وش فيك متكدر!!عسى ماشر؟! رد محمد ماكان متوقع:"ليتني ماحبيتها ولاشفتها ولاتعرفت عليها" رد غريب!!
مافهم طارق منه ولاشئ..المهم قاله طارق:من هذي؟
البنت اللي أحكيك عليها طلعت خاينة وكذابه وتضحك علي, قله طارق:يأخي باللي مايردها من زمان قايلك مالك ومال البنات أبعد عن هالحركات هذي بس أنت الله يهديك أصريت وكل ماأقولك تقولي أحبها وشوف آخرت الحب وين وداك!!أنساها بس وفكنا من الحب, تعال أوديك مكان نسهر فيه عمرك مادخلته..وعدت الليله على خير وقدر طارق ينسي محمد الجرح....
ولما رجع طارق للبيت أفتكر عادل وحب يسمع صوته قبل ماينام لأنه ماشافه اليوم كله, وأخذ جواله واتصل عليه ورد على التيلفون نفس الصوت الخيالي وطارق انقلبت حالته يوم سمع صوتها , بس قدر يمسك أعصابه ويطلب عادل منها,فقالت له:لحظة أخوي!! وكانت أول مره طارق يشدة صوت بنت وأسلوبها وبهاللحظة كان يفكر ويدعي إنها هي اللي ترجع تكلمه,وتحقّق اللي يفكر فيه لأنها رجعت ردت عليه وقالت إن عادل نائم... هنا طارق إستغل الفرصة وقالها:آسف على الأزعاج ,سامحونا. وردت:عادي أخوي لاإزعاج ولاشئ البيت بيتك..وردها كان زي العسل على قلبه وقفل الخط وهو يفكر بكلمه أخوي وعادي والبيت بيتك وبدأ قلبه يحس بهالكلمات ويفكر بالصوت ونام وهو يفكر كيف يسمع صوتها مره ثانية..
وأول ماصحى من النوم اتصل على عادل وكان على يقين إنه بالعمل بس القصد من الأتصال معروف طبعاً وردت عليه نفس الصوت وطلب عادل وكان الرد سريع"إنه بالعمل"ورد طارق أسرع لما طلب رقم العمل وتحجج بإنه مايعرفة فقالت له لحظة عزيزي!!وكانت عيونه من هالكلمة طالعة من رأسة وردت عليه:تفضل خذ الرقم, ولما انتهت قال لها:آسف إزعجتك بس ابيه ضروري!!قالت له:عادي مافي إزعاج أنت تأمر..
وقفل الخط وهو عيونه بتطير من الفرحة إنه قدر يوصل لوحدة خلته يفكر بالحب , واتصل على عادل وقاله:أبي أشوفك اليوم ضروري, بس عادل تعذر لأن عنده شغل ومايقدر يستأذن من العمل ولآن طارق ماعنده سالفة والموعد الليله كالعادة..فكر طارق بعد ماقفل, أنا وش ابي من عادل ,وش باأقوله..لا..لا شكلي خرفت وصدقت حالي..وش بيقول عني هو والشباب من بعد ماأنصحهم وأكرههم بهالحركات أنا أسويها..أحسن شي أكتم سري بقلبي ألين ماأتأكد منه..


الحب قدر’ الحب مشاعر لانتعلمها بل فجأة نشعر بها
ونستسلم لها’ الحب رحمة القدر وقمة رضا القدر علينا

7
7
7
7
وللقصة بقية
منقول:

اخوكم : العازف

[المنسي]

اخي العازف

ربي يعطيك الف عافية

على نقل الجميل

تحياتي