؟؟والله صار بشاليهات الثمامه ؟؟!!

[جريحة الوقت]

شاليهات



السلام عليكم ورحمة الله وبركاته

كـــيف الــحال اخواني (( يراودني احساس أن فيه ناس منكم بعين وحده كنها شمعة عراوي سبعة وسعبين ))

الـــــصراحـه موضوعي احترت وين احطه بلشت يوم ان القريحه فاضت من ماتشوف الا مياه من كل جهه خطر ما تجي البلديه تسكر علينا حنفية القريحه والسبب أن الافكار طالعه من تحت باب الشارع

المهوم صـراحه احترت وين احطه بالمنتدى العام بس اقتنعت اني بحطه بمنتدى محتاج لها


<< بالله عليك قولي قسم تكفين أخاف تقصدين قروبات

المهموم ما اطول عليكم

(( شــالـيــهـــات ))

بمناسبة أن موضعي عن الشاليهات عندي كم بيت شعر ( بنايته بلبنه وتبن ومأجرته على باكتسانيه مضيعين أقاماتهم )
(( القصيدة ))
يا ناس الشاليهات صارت معارض موضـــه
الكل يلبس ويســــوي قصـات ومساحيـــــق كثيــرة
البنت تمشي وتمخطر كنها على حبال رفيعه
تحط الخطـــــوة والجسم يتمايل بين ذيــــابٍ غفيـــرة
يمشون بجنوزن مهيب على الأجسام ستيرة
وأين أيــــام مضت فكر البنت كيف اطول فيه الظفيرة
وهلحين قصات البنت صارت للصلع قريبه
وشبـــــابن منتشرين بعادات فضائية وموضات شهيرة
برمودى ، والسترتش ، والثـــوب ناسينــه
امحق افكار من ورى عقول خاوية أساسها من حضيرة

<< صح لسانتس جب القهوة يا صبي وصب لعمتك (( محتاجه ))

قسم بالله شي يجيب الهم والمــرض النفسي والجسمي والاحبــــاط

الــواحـد من تجي الاجـازه ينبسط (( اذا كان ناجح )) وده يروح لكل شاليهات الثمامه ويحس انه في منطقه سـاحليه وسياحيه رائعه ويكون قصده انه يـروح عن نفسه والضغط العصبي طوال السنه من دراسه ودوامات وارتباطات وغيره وغيره
صرنا آلان ناقصها تشحيم والشحم هو الإجازة (( ترى ما اقصد بالشحم السمنه اشوف فيه بنات قاموا يناظرون الزوايد اللي عندهم ))

قسم بالله الي يروح للشاليهات يشوف العجب ويستغفر ربه ويقول ياحلم ربي علينا عسى ماينزل بنا عذاب منه

بنـات اشـــكال الاشـكال من برى منيكان ومن جوى خرابه كنها عشه هنود فياحة منها ريحة الند

يعني جد كل بنت تـروح وهي لابـسه الجلابيه الي مخصره ع الجسم ولا ماعاد هي سوداء ماعاد بقى لون الا حطوه كنهم تلوينه ام 24 لون من جد تحسون من كثرة الألوان انهم يسوون دعاية لدهانات الجزيرة
قسم بالله شوفت عيني انا وامي نتمشى (( ياحبيلها امي )) قالت ياحبيبتي قومي نتمشى قلت يالله عشان تطلقين رجلينك .
< خلف الله علينا في هالبيت محبوسين ولا عندنا حوش نطلق رجلينا تسن حنا اشوام في شقة

وحنا نمشي ،، الا اشوف اشكااااال غريبه شفت الشباب والبنات لا بسين بناطيل وحركاتات وشعور موقفة كنها عش عصافير فيه اربعة فروخ وبنات صابغات ولثمات ،، يوم شفت كذا مسكت يد امي وقلت يمه خلينا نرجع شكلنا دخلنا الحدود السوريه بالغلط (( اميمتي مطلقة رجليها وما تدري وش قلت ))
وكان اللي يقهرني ان الشباب يطوفون الطواف سبع اشواط وهم يطوفون سبعين مره
وحــده داقه الزين من فوق وراسمه مية وستين الف شخط بالحكل الا بكبر عيوني غصب وماخلت لون الا حطته ولابسه البنطلون والله لو اقول اربطي خيط البوت حقك قسم ما تقدر تدنق من ضيقه شكل الاخت مدخلته بفازلين أو أنها مخليتن ثنتين من أخواتها يفتحونه وطابه من الدور الثاني وطايحتن فيه

ومن المشاهد الي شفتها وحده تمشي قدامنا وكان جنبنا ثنين من الشباب ،، قومي بنت الايه دقيهم نضره اجعلها الدق والماحي وجعل كهرب ينفضها من حقات الضغط العالي ويمسك في شعرها وتولع عيونها المهم الشباب مشوا وراها ويبون يلحقونها

<--- ماسكتت هي وامها انا قمت اضحك عليهم وقلت اللهم لك الحمد ع اشباه الرجال اللي كنهم جلي ،، وامي قالت الله يستر عليكم ياعيالي وربي انهم مشو قدمنا ولا كملو طريقهم للبنت

والا كلش كوووووووم والشباب الي شفتهم كووووم ثاني بالله يازينهم الي يتطنزون ع جـواد العلي ويقلون انه بنت

يجون بهذي الشاليهات وبعدين شكل فيه موضى جـديده تشيرت احمر او عنابي وبنطلون ابيض ما ادري احس انه علم دولة افريقية مهوب لبس

كلهم لابسين كـذا والبوت احمر

وربي يروحون يشتغلون بكنتاكي اصرف لهم

امي تقول يوم شافتهم الله يستر علينا وش هالبني الي يمشون بدون عبايات وين اهلها عنها وععععع وجها تسنه لوحة تشكيلية ضاربتها الشمس في اسواق بن دايل

امي تحسبهم بنات ماتدري انهم من فئه الرجال قصدي اشباه الرجال

وقسم بالله وانا بنت بس جالسه اشوف بجزمهم ولبسهم من ورى العبايه واقول ذي زينه وذي شينه

والعيون عاد شغلتهم قسم بالله لو تفتح البرقع الي هي لبسته كان اشرف لها لانها ظلمت البرقع

كان طلعت علوم شينه ع فكره هذي الاشكال من فوق كنهم بحديقه من الالوان ومن تحت صحراء قاحله

صراحه شي يفشل البنت تلحق الرجال اخر الدنيا

بعديم يابنات قسم بالله فشلتونا

احد يروح للشاليهات وياخذ معاه شناط فيها شك ؟؟؟ اذا بتروحون للعروس وش بتاخذون شناط المدرسه اللهم لك الحمد ع الذوق بس ماقلت لكم انه عرض ازياء واجسام وبس

وربي جاء في بالي وانا اشوف الاشكال هذي ايام الجاهليه لما كانوا النساء يعرضون انفسهم

الاسلام جاء وكرمنا واحنا نبي نرجع لذل

بس جـد شباب وش قصة الاحمر والابيض عندكم والاجسام اصتغفر الله ماتساعد يااااربيه مايستحون

والله الي شفتهم يا اعصل كنه عسيب والا كنه شفاط ببس مكينه وألا حامل بالشهر السابع

مافيه الا واحد شفته الصراحه وعليه هيئه روعه بسم الله عليه طالع عليه التيشيرت والبنطلون شي حتى الالون يعرف ينقي مو ابيض واحمر

واخرتها طلع مو سعودي

بس الشهاده لله وش زينه <-- قليله ادب تو تنصح والحين تغزل

بس والله تمنيت معي قلم وورقه كنت ابي اشنع بهم تمام المره الجايه باخذ دفتر وقلم واونس نفسي بالنقد بهم

<--- مسويه عمرها مراسله

عاد قلت المراسله لازم تجيب صور

وخذت كم صوره من الي يحبهم قلبكم بس تتوقعون مو حرام انزل صورهم ما كاني مثل الي يشهرون بالناس مثل الي ينزلون صور البنات الله يكسر يدياتهم

ابي رايكم انزلها او لا



وين الحـياء وين الدين وين الاخلاق

الـعبايه للستر او للزينه لانه صايره شي للتزين مو تغطية الشي الزين الله من الزين الي فيهم انا متأكده لو ابفتح هالعبايات ابلقى زوايد كنها عرواي طوفرية ووجيه كنها وطايات مداخل من كبرها

وبعدين لا يجي احـد ويقول من الحره ومدري ايش من خرابيط وغيره ان كانت حره فهي حره في القلب اني اشوف اختي المسلمه مثل الاكل المكشوف وقدامه الف 000 ينتظر الفرصه

وتجيني غيره ع ديني والأخلاق الي صارت كلام بدون فعل

وبعدين الي عنده زين يحافظ عليه ويصونه خلونا يابنات نكون مثل الماسه الي نحافظ عليها من الغبار قبل عيون الناس

واتمنى ان كل واحد فينا يحاسب نفسه قبل يجي يوم يحاسبه فيه ربه ومايلقى دافع امامه

[آحـتـرت]

محتاجه لك الله يعطيك الف عافيه على الموضوع الرائع والله صراحه شي يقهر لما نروح للشاليهات نلقى امور والله تخلي الواحد يحسب نفسه بخارج السعوديه وبيني وبينك يامحتاجه البنات اكثرهم مايفلونها الا بالشاليهات والشباب بعد مايفلونها الا بالشاليهات لكن الله يهدي الشباب والبنات ويوفقهم يارب واعيد واكرر الف شكر لك محتاجه على هالطرح الجميل وماكتبتي هالشي الا من قهر بخاطرك والله ينور طريقك

تحياتي واشواقي

غـرور الشـوق

اختي الكريمه
يعطيك العافيه على هذا الموضوع
تقبلي تحياتي وتقديري ,,,,,,,,,,,,,,,








][ ][ ][ الفيصل ][ ][ ][

أختي العزيزه تسلمين على هذا الموضوع الرووووعه

ومشكوره ..

وبإنتظار جديدك

[جريحة الوقت]

وينها......


شكرا على مرورك


الله يصلح شبابنا وفتيايتنا