ياشين البطاله تخلي خلايا المخ تسوي انتحارات جماعيه....مره من المراريت قبل اتوظف كنت طاق اللطمة بعز الصيف ومطفي المكيف..(من اثار البطاله).. وجالس ابرم بالسيارة بهالفجور ظايق صدري واسمع اغنية
(ياناس انا ضايقن صدري مادري وش اسوي بهالضيقة) وداخل خانة مع الاغنية..
الا اسمع فووو طع بوووووم واباحر بعيوني.... الا جمس مضلل حادينة شباب على رصيف
والاهو من صيد امس ..تقلب وتقلب وانجضع على جنبه..
طبعا مايبيلها شيء حادث وقدام المنقذ فنكوش المفنكش. 911 الا وانا اشوفلك هالبشوت السود
تناثر من الموتر والطيران والاورج وتقريبا عشر سنون ذهب وسنين فضه مطشره على الزفلت وتحمست اكثر قلت اكيد طقاقات مقضمات فرصه اشبك طقاقه يمكن تتوسط لي واشتغل معهم ادق على الاورج ولا اسوق بهم بالجمس بعد مايتسمكر....قلت يالله يالمنقذ جاء دورك واللة وافسرعن ذرعاني وافك اللطمة..واجدع الشماغ وانطلق بسرعة خمسين *استغفر الله*استغفر الله*استغفر الله*استغفر الله بالدقيقه لموترهم ..الا وش اشوف نزيف ودمان وكسور واللة وانقز لموتري ...طبعا فنكوش. 911 لازم معه الاسعافات الاولية واخملك شنطة الفيرست ايد.. وافتحها الا انواع الفشايل كلها ورق الشام وبكتين مالبورو احمر يابسات ((( بس مهايط )))))) ومجهزات للاكل....وبالصدفه لقيت لزقتين جروح مكبوب عليهم شاهي وشاش كانت لافه على رجلي يومني العب مع الشباب بالحاره وريحته تصرع الطير بالسماء..
قلت مابدهاش لازم استخدم الاسعافات اللي معي واصرف عمري وابدء بالتضميد والعلاج المشكلة المنطقة مليانة عالم بس شافوا الحادث فيه حريم كلن حط رجلة قلت ماعلينا هذا ثواب من اللة انشاللة نكسب بذا الطقاقات خير واللي قاهرني الهندي السواق حقهم مثل الجني يلعن شكلة ولد السلقه ..الموتر منقلب عشر قلبات وهو ماجاه الا كسر بأظفر اصبع رجله الصغير وجالس هالنذل يقول لازم فيه هلال احمر يجي وشرطه يجي..قلت لابو من نسلك يالنذل عماتك يبي فيه يموت انته مافيه حرك ساكن والله انته رفيق سلقه كبير ومافيه كويس...
المهم قلت لنفسي يافنكوش. 911 ماتاخذ لفه على هالمتسدحات على الزفلت وتشوف من اكثر وحده مصابه وتبدء فيها وانا الف عليهم الا وحده سبحان رب خالقها لو تركب لها اصطبات صارت كورلا.... يدها منكسره ومايربطها بجسمها الا جلده واللي قاهرني انها بدال ماتقول أأأأأه وأأأأأأي تقول حطوا برقبتي حجر وارموني وسط النهر وتقولي اوووه ويلاه..قلت هيه انتي يابرميل المندي يدك تعورك ولا تستهبلين والا تسمعين بالصياح والدمعات..؟.. قالت انا برميل المندي انت وراسك هاللي كنه غطا شطة كريستال قلت اها ها اهي اهو..!!..تنكتين انتي وخشمك المستطيل ذا واشوتها باقوى ماعندي على يدها اللي توجعها واروح واخليها..
وكانت فيهم وحده يعني الظاهر انها مصابه بكسر بالصدر وكان حاجز عمل الرئة قلت هذا يومك يافنكوش. حج وقضى حاجة خل نسوي لها تنفس صناعي وانعاش يدوي بالضغط على الصدر والله واندمج بهالحركه واقعد يمكن خمس دقايق اعطيها نفس واضغط بيديني لدرجة اني من زود الاندماج قمت اقول..
.....وووااااااووو ميس طقاقه ووواااااااووو......وكنت احس اني حشران..وجسمي مقشعر بطريقة غريبه..
وبقمة اندماجي بالاسعافات ..الا الشرطة واصله وشافوا المنظر اللي انا فيه ماقالوا والله هذا شاب محترم وقاعد يسوي تنفس اصطناعي لبنت على شفير الموت لا الله ياخذهم فهموا الدعوه غلط وهات ياتكفيخ وهات ياضرب ووين يوجعك يافنكوش. الين صرت ماعاد اشوف المشكله متعافين من ضرب هالمثلوثة والواحد فيهم رجلة كنها بلكة عشرين مغلفه ببسطار وهات ياتشويت وانا بينهم مثل الكورة واا اقول ياجماعة بيموتون انا اسعفهم وواحد منهم يقول تبي تسعفهم هين ويشووت بي الين معد شفت...
المهم واخيرا وصل الهلال الاحمربعد ماتعطل الاسعاف فيهم على بعد نص كيلو من المركز واكتشفوا ان الماطور خبط وبدل مايبلغون ويرسلون سياره ثانيه قالوا ووش يعني لو مات كم طقاقه وكم واحد مسعف مثلي ؟؟؟ ويجيبون ميكا*استغفر الله*استغفر الله*استغفر اللهي يبونه يوضب خردتهم قبل يجون...شاف الميكا*استغفر الله*استغفر الله*استغفر اللهي الاسعاف قال هذا يبيله قير ومكينه ودفرنس وناس ضميرها حي وتفهم وش معنى مسعف ووش اهمية حياة الناس..والله وتطق عندهم الامانه والضمير ويبلغون المركز ويرسل سيارة ثانية.. ويجي وينقلنا كلنا للمستشفى...
طبعا شي اكيد بعد هالتشوويت كانت حالتي انا اخطرهم تكسرت يديني ورجليني((( الله يشافيني واياكم))) واختفت معالم وجهي لدرجة ان الدكتور بالمستشفى اول ماشاف وجهي قال للمرضه استري عورته.. ..يحسبه شايف مقفاي..
..
والى قاهرني ان ابوحقب الهندي يضحك النذل ويقول: شوف صديق انا فيه يقول من اول بس انت مخ مافيه ايو والله انك صادق يابو هنود ماسمعت كلامك ...وبعدها حرمت اسوي فيها منقذ وعشان اقطع العرق واسيح دمة واخذ شنطةالفيرست ايد
واذبها من فوق كوبري لبن.. بعد ماطلعت منها بعض المستلزمات... ...
عاد هاللي صار طلعلي ماهو قلب واحد عشرة قلوب بقلب واحد..وصرت من اشوف بالطريق حادث وانا محول لطريق ثاني..بلا هم..
على العموم قصتي هذا بتصرف مني ولاتواخذوني على البياخة والتكلُف الزايد عن حده بس هذي مثل اللي يقولون سالفة تقطيع وقت لا اقل ولا اكثر والقادم احلى ...
بس حبيت اشارك في هذا القسم من المنتدى اللي مبطي مرررررررره ماشاركت فيه،،،،،،
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 2
العرض العادي
