!!..( تحـت التراااب )..!!

[سمرا ومغرورة]

ابكي من الوقت..
والا ابكي فراقك ؟
والا ابكي هموم اقلامي وكرّاسي ?..

وين انت؟! .. مات الزمان ..
وقرر عناقك ..
وانا اللي ابغاك في حزني لي مواسي ..

يا وين اودي صورْك ..
ولهفــة اشواقك ..؟
وطيوفك أقرب علي .. من دافي انفاسي ...!!



مات الامل في غيبتـك ..
قل وين راحت هيبتــك ..؟
تحت التراااب ؟!!
ماكنت قبل تقول لي :
" رجّال أنت .. ولاتهاب؟ "
ماكنت احسب ايات حساب ..
امشي مع العالم وانا ..
مرفوع راسي للسحاب ..
حتى دروسي في يدي ..
وفي المدرسه ..
ماكنت اخاف من العقاب ..
لاني رجل ..
والرجل لايمكن يهاب ..
يرقى على كل الصعاب ..
هذا كلامك يايبه ..
والله ياعندي عتااااب ..
تكذب علي ؟
ماكنت تبغاني انام ؟
واخاف من ظلم الظلام ؟
انا طفل ..
وشلون صدّقت الكلام !!
يمكن علشاني طفل ..
واشوفك بأعلى مقام ..
تكذب علي واصدقك ..
لأني طفل ..
كلي امل ..
اكبر على كفك بطل ..
بطل ..!!
ماكنت قبل تقول لي ..
إني بطل ؟
يعني انا مثلك رجل ؟
بس ليه ماشالوني مثلك؟
ابي على كتفك انام ..
يبه ..
يبه ..
حطو على جسمك حصى !!
عمي سعد هو حطها ..
وخالي فهد حط التراب ..
قم يايبه ..
كل شي تغير واختلف ..
والحال من بعدك تلف ..
مجلسك مابه غير انا ..
وجروحي .. وكثر العنا ..
من عقب ماكانوا يجون ..
يشكون لك .. ويعاتبون ..
اليوم مابه غير انا ..
يبه ..
يبه ..
هذا انا ..
بأغفى على كفك هنــا ..
قم يايبه قم ضمني ..
بأسمي دخيلك سمّني ..
بعدك تراه يسمّني ..
والا بجي تحت التراب ..
ببقى معك ..
ماعاد ابي الدنيا اذا ..
منها ابوي أبعد وغاب ..

[sayf]

مشكوووووووووووووووووووورة يالغالية على عذب الكلام تقبلي مروري(sayf)

[الاحزان ملكي]

روعه تسلمي ويسلم القلم الي سطر الروائع
الله لا يحرمنا من ابدعاتك اختي سمرا ومغروره
تقبلي مروري مع التحيه

[همسة دفئ]

روعة روعة يالغلا سمرا ومغرورة
كلمات غاية في الروعة والجمال
تسلم ايدك
تقبلي تحياتي

[غصون]

سلمت اناملك وسلمت يداك
تقبلوا مروري