حبيت اعطيكم موضوع انشاله يعجبكم .. وهذا الموضوع عن
مواصفات الشباب والبنات حسب المناطق
*ضاحية عبدالله السالم*
الشباب: وين ما يروح لابس ملابس طلعة كشخة وحتى واهو نايم لابس جينز وبدي + نظارة شمسية مديل Gucci
البنات: كلهم يعرفون بعض بـــــس كلهم طوال الا وحدة مبتلشة بروحها بينهم.
*الشامية*
الشباب: ما يدري عن بيتهم وكل يوم مواعدله بنت بمطعم ..
البنات: كل يوم تطلع مع رفيجاتها وكلا معاها اخوها الصغير وسيلانيتهم ..
*النزهة*
الشباب: ما يدري وين الله قاطة وكلا مع ربعه وين ما يروحون وياهم (مع الخيل يا شقرة)
البنات: لازقة بامها وين ما تروح وكلا رايحين يشترون دراريع حق جاي الضحة..
*الفيحا*
الشباب: السرير صاير عوي من كثر ما ينام وخشمة منتفخ من كثر النوم..
البنات: كل بنات الفيحا سياراتهم Bmw بس ما يستعملونها كلا يستعملون سيارة امهم ...
*كيفان*
الشباب:كل يوم قاز بسيارتة معه ربعه ومطول المسجلة ولا قاعد يسمع بس مو هذي المشكلة المشكلة انه يكشخ وحالته حالة واخر شي يبي يروح يشتري شورما من جمعية وراد البيت بينام
البنات: ملسونة لاعنه ابو اسلاف ابلة الرياضيات بلسانها .. بس البنت تحب ((الله يعين حبيبها)) <<< هههه جنكم تدرون
*الخالدية*
الشباب: كل يوم طاق درب الشاليهات وكل يوم بالشاليه واهله ما يدرون ان عندهم ولد اصلا..
البنات: باااااااااااااااردة ولا تدري شتسوي وفيها ميزة .. انها ما تعرف تسوق كلششششششش.
*الشويخ*
الشباب: كلا قاعد بالبيت ولا اميمع ربعه بالدوانية (خوش ريال )
البنات: الكشة طالعة من الحجاب قصب.. واذا مو متحجبة تلقاها كل يوم بالصالون تبي تنعم شعرها بس الحلاقة متوهقة فيها كل يوم يشترون سشوار يديد لها يحترق من كثر ما تستشور..
*اليرموك*
الشباب: هادي وما يعرف احد وكلا مستحي وكل ما تصير مشكلة يقطونها على راسه .. المسكين على نياتة ما يدري شالسالفة
البنات: جيكرة بس كل تلفونها شباب مادري اشلون قادرين يجابلون ويهها
*قرطبة*
الشباب: زقرتي بس يدرس بالانجلش سكول وما يعرف يتكلم انجليزي .. وكويتي مكسر
البنات: الثلاجة كلها بحلجها وكل ما تيي ماجلة البيت تخلص بعد نص ساعة .. بس ما تمتن .. ليش؟؟ روحوا سالوها ..
*العديلية*
الشباب: مقطع عتبت المارينا .. ومو مخلي نظارة شمسية مو لابسها والمشكلة ما يلبسها الا بليل لييييييييش والصبح يحطها فوق راسة .. يا اخي يبط الجبد ما يعرف يتزقرت
البنات: كلا قاطة روحها على بنات عمها واهم مالهم خلقها وثقيلة على قلبهم
*القادسية*
الشباب: على بو انه ساكن بالقادسية .. تلقاه كل مباراة حق نادي القادسية يروحلها ولو تساله جم جم يقولك مادري وتقولها منو ياب اقوال يقولك مادري .. عيل ليش رايح .. مادريييي..؟ يالله الريال سلطة
البنات: ملقوفة..وتبي تعرف كل شي وكلا مجعمينها..
*المنصورية*
الشباب: انقرضو ماكو
البنات: خلصوا كلهم شيبوا
*الدعية*
الشباب: كل يوم يتحرش بالهندي الي يخم السكة
البنات: كل ما تركب الدري تتكود وتطيح وتكسر .. (مسبهه)
*الروضة*
الشباب: يفترون بالسكة واذا ماكو شغل راحو الجمعية يلعبون كرة بالاوسكليتر مال الجمعية
البنات: كلا ماخذا لاب توب اخوها ورايحة ستار بكس وتقول حق رفيجاتها هذا لاب توبي اذا طلعلها الباسوورد تقولهم وييييييي نسيتا .. اصلا اهي بايقته منه واهو ما يدري وما تعرف باسوورده
*السرة*
الشباب: زقرتي لكن غيبييييي ..
البنات: حلوين بس طالعين على اخوانهم اغبية .. ميزتها انها ما تجذب..
*الجابرية*
الشباب: ماكو شغل كلا يلعبون جنجفة والورقة تروح الوانها من كثر ما يلعبون
البنات : كلا بالممشى والمشكلة ما تظعف
*الشعب*
الشباب: ما يبيله كلا بحديقة الشعب والمشكلة ما يدخلون مثل الناس.. يشقحون
البنات: ابوها لاعن خيرها طق .. ليش؟؟؟ ام العيال مو طابخة غدة .. المسكينة شكو؟؟
*السالمية*
الشباب: كلا قاعدين بالدوانية ويلعبون سوني الدوري الياباني وكلا يتهاوشون .. واخر شي واحد يقطهم بيوتهم كلهم .. الوحيد الي يسوق سيارة .. بس ما عندة ليسن
البنات: طموحها كبير بس فاشلة بكل المجالات .. لوول
*الرميثية*
الشباب:ما يبيله .. ماكو احد ما يتطنز عليه .. بدلياته ما تخلص
البنات: كلا مع امها تروح تيب كباب حق الغدة
*سلوى*
الشباب: كلا بيده نباطة وحول ما يعرف ينيشن
البنات: اخوها الصغير طاقها طق .. شايفها راكبة مع ريال .. اخر شي طلع ابوها بس راكب سيارته اليديدة لووول
*مشرف*
الشباب: زقرتي وكلا قاط قذلته والبنات ميتين عليه.. بس المشكلة انه مطوع
البنات: ماكو وحدة تشبه الثانية (كوكتيل) .. بس كلهم رايحين فيها
*جنوب السرة*
الشباب: شياطيييييييين ومو مخلين وحده بحالها
البنات: من يشوفون واحد يطيحون الميانة معاه .. واذا شافو واحد في ماكدونلدز جنوب السرة لعبو معاه صيدة مصيدة (جنهم يهال)
*صباح السالم*
الشباب: عنده عود بس ما يعرف اشلون يستعمله ليش شارييييييييه
البنات: كل ما تطلع تبي ترد بيتهم تضيع تنسا وين بيتهم.. من كثر القعدة بالبيت
*القرين (العدان والقصور ومبارك الكبير)*
الشباب: ناس ازقرتيه فاهمه وعاقله ياتلقاهم بالقهاوي او بالمجمعات يقزوون او على شارع الغووص يقاومون
البنات: مايبيله كلام بنات يطيحوون الطيير من السما ووشايفين رووحم وايد على شنو مادري كله امبطله الكشف اذا متحجبه
*بيان*
الشباب: طموحه يصير مدرس بدنية عشان يتليعن على الطلاب .. نذل
البنات: ما عمرها شافت الشارع ويوم شافته بغت تشوف قبرها وراه ..
------------------------
اتمنى الموضوع نال على اعجاب الجميع
---------
تحياتي للجميع
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 2
الشباب: ناس ازقرتيه فاهمه وعاقله ياتلقاهم بالقهاوي او بالمجمعات يقزوون او على شارع الغووص يقاومون
البنات: مايبيله كلام بنات يطيحوون الطيير من السما ووشايفين رووحم وايد على شنو مادري كله امبطله الكشف اذا متحجبه
هذوووولي شفتهم وجيت احيائهم لاني اعرف ناس هناك
والله بانك صدقتي كلهم كذا كلهم
والله يعطيس العافيه
سلمتي وسلمت اناملك على الطرح المميز والابداااع الرائع
لكي كل الحب والود والتحيه
تحياتي لكي
يـــــــ ك ـــــــــفي.....
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 5
صفات البنات والشباب حسب المناطق
العرض العادي
