هو اسمه المنتدى العام يعني اقدر احط فيه اي شي ..؟

[محتاج قلبي بعد فيك]

السلام عليكم ..




طبعا الموضوع هو موقف حصل معاي وحبيت اشارككم فيه واعتبروه مثل القصه القصيره ..

في البدايه وبعد فراق دام لفتره تقارب الشهرين واكثر وبعد طوول الانتظار رجعت لي شريكه حياتي وتوأم روحي والانسانه اللي لطالما اردت انا اقاسمها حياتي واكمل بقيه عمري معها وبدأنا نتواصل من جديد ..

امس كان بيننا اتفاق على اساس انو اليوم نتقابل ونشوف بعض طبعا من فتره ماشفنا بعض واكيد الشووق واصل حده ...

الوو ..
ايوه ياقلبي ..
كيفك ..
الحمد لله تمام ..انتي كيفك
انا كويسه .. وحشتني
وانتي كمان مرره وحشتيني
حبيبي انشالله اشوفك اليوم ؟
انشالله ياقلبي وبحاول اني اشوفك اليوم مهما صار ..
اوكي حبيبي بس يلا قومي من دحين شوفي ايش تبغي تلبسي لاني اعرفك زي العاده تحوسي وتقلبي الدنيا علشان تلقي حاجه تلبسيها..
اوووه انا من زمان بدأت في الموضوع ونقيت خلاص اوكي حبيبي بس اخلص ترتيب غرفتي واقابلك ع المسن..
اوكي قلبي..
انتبه لنفسك حبيبي ترا ماليا غيرك ..
وانتي كمان حبيبي انتبهي لنفسك عشان خاطري ..
اوكي .. باي
باي

بعدها جلست عالنت طبعا انواع التصفح في المواقع ماخليت مكان قاعد اضيع الوقت بأي طريقه المهم انو الوقت يمر الين ماتجي حبيبتي .. وبعدها

رساله خاصه : تم تسجيل دخول ********************

باك ..
ولكم بااك نور المسن..
يسلمووو حبيبي..
حبيبي لسه ماخلصتي ؟؟
لسه والله ياقلبي..
.....................

وطبعا انواع كلام الحب والغزل دار بيننا تقريبا من الساعه وحده بالليل الين قريب اذان الفجر وبعدها فجأه ..

حبيبي..
ها ياقلبي .. ايش فيكي ..
مطر ..
من جد حبيبي ..
ايوه ياقلبي والله مطر ومرره قوي كماان ..
...............................................

وجلست كل شويه احاول اطمنها واكذب على نفسي واقول لها ان المطر بيوقف وراح اشوفها وجلسنا على ذا الموال الين جت الساعه قريب من سته الصبح ..

بعدها لمن شفت المطر بعيني من جد وشفت قوته بديت احس بالحسره والقهر مو من المطر بالعكس المطر حاجه مره حلوه ومابنشوفها كل يوم ونتمنى نشوفها دايما ..
انا دايما من صغري كنت احب العب في المطر بس ذي المره من جد حسيت بقهر وحرقه فقلبي انو المطر وقف بيني وبين شوفتي لحبيبتي ..

بعد كذا لمن حست بقهري وحسرتي صرت بدل مااهديها انا هي اللي تهديني وتحاول تبرد على قلبي .. حبيبي هدي نفسك لاتزعل عشان خاطري.. الين حسيت اني هديت شويه والامور رجعت تحت السيطره

ودعتها بعد كذا .. حبيبي انتبهي لنفسك وانا بستنى الين يخلص المطر واشوفك انشالله ماراح انام اوكي ياقلبي ..

وكانت هذي نهايه القصه ..

تتوقعوا شفت حبيبتي في نهايه ذاك اليوم ؟؟




اعذرووني على جرئتي وترا الموضوع كله من بنات افكاري وتعتبر محاوله لطرح قصه قصيره وانشالله تعجبكم




تحياتي

[مجنونه جداويه]

على حسب توقعااتي لااا ماقدرت عشان المطر .. صح ؟؟
الله يعينك ..

[محتاج قلبي بعد فيك]

مو هذا اللي صار والله المستعان ...

يسلمو على مرورك الروعه ياعسل وتقبلي تحياتي

[نور الايمان]

بداية موفقة اخي

وان شاء الله تستمر بطرح افكارك وكتابة القصص القصيرة

ويكون منتدى محتاج اول خطوة لنجاح موهبتك

صراحة اي شي في هالعالم يحتاج جراة

يكفي اننا نكون واثقين بانفسنا

قصة رائعة تشد القارئ حتى يكملها

واسلوب ممتع واحساس رائع

ننتظر جديد ابداعك

تحياتي

[miss mshakel]

حلللللوه القصه




في انتظار جديدك...