بكل سهولة يقول : ما حصل نصيب و يروح يدور غيرها

[فهد بن عبدالله]

بسم الله الرحمن الرحيم

الأخوة الأفاضل


السلام عليكم و رحمة الله وبركاته


قبل ما أدخل في الموضوع

أبغى دعواتكم لي بظهر الغيب لأني بديت أدور بنت الحلال
اللي راح يكون لها الشرف في الإرتباط بي



الموضوع بإختصار

كثير من الشباب إذا بغى يتزوج طبعاً بعد ما يسأل عن البنت و يسألون عنه
ويقولون تعال علشان تشوف البنت
يروح لبيتهم و حاط مواصفات ملكات الجمال


لأنه بصراحة بعض الأهل يبالغون في مواصفات البنت اللي رايح ولدهم يخطبها
وينصدم



وبعد ما يشوفها و لا تعجبه
بكل سهولة يقول : ما حصل نصيب
ويروح يدور غيرها

الشاب ما عنده مشكلة

لكن المشكلة في البنت
حط نفسك محلها

تجي تشوفها و بعدين تقول ما حصل نصيب
كيف بتكون مشاعرها ؟؟؟
و هل هذا الشي راح يؤثر عليها مستقبلاً؟؟؟


تصور إنك بعد ما تشوف البنت و تعجبك مواصفاتها و تطلع من عندهم و أنت واثق من نفسك

ثم يتصلون عليك و يقولون : تقول البنت إنك ما تصلح لها؟؟؟


فكر قبل الإجابة




اللهم احفظ نساءنا و نساء المسلمين
وحقق أمانيهن و استجب لدعواتهن
واحفظهن بحفظك
واحرسهن بعينك التي لا تنام




محب الجميع : فهد بن عبدالله


لا تنسونا من الدعاء بظهر الغيب

[من ينسيني غلاك ؟]

أول شئ الله يوفقك ويزوجك بنت الحلال اللي تناسبك

وثانيا أنت قلت



لأنه بصراحة بعض الأهل يبالغون في مواصفات البنت اللي رايح ولدهم يخطبها
وينصدم


المسكين وش ذنبه هو بعد يجيه كلام من الناس كل شوي خاطب ليه

الله يوفق الجميع ويستر عليهم

[همسة دفئ]

اللهم احفظ نساءنا و نساء المسلمين
وحقق أمانيهن و استجب لدعواتهن
واحفظهن بحفظك
واحرسهن بعينك التي لا تنام

امين يارب العالمين

مشكور يااخي على الطرح الرائع
والله يعطيك العافية
بأنتظار كل جديدك
تقبل تحياتي