مصيبه كبيرة .... نصيحتي لكم

[اوروتشيمارو]

نصيحة لكم من من أعماق قلبي ..

تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج
يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسنجر بلس

واللي خلاني اكتب الموضوع هالسالفة :

يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟

وقالي سمعت عن البرنامج اللي يشغل كاميرا النت
قلت له ايييييه وش بلاه

قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان عريان <<

يقول شويه واسمع صوت المسن اللي يطلع لو احد كتب لك كلام
ولما دخلت الا واحد يقولي شخبارك ومن هالكلام
وما امداه اخذ دقيقتين الا يقولي بوريك شيء .. مقطع فيديو

خويي تحمس وجا يبي يطالع الا المسكين شاف نفسه وهو يبدل

يقول خويي الحمد لله ما اغمي علي ولما اخذ وعطى
الولد قاله اذا ما تبي المقطع ينتشر ادفع لي 1000 ريال شحن سوا ترسلها لي

طبعن خويي ما وافق لانه عارف ان الولد بيرجع له مرة وثنتين و3
الولد للاسف عمره 21 ومبين عليه ( طعس ) وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين

المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف

والسبب كله كاميرا اللابتوت اللي حنا فرحانين فيها

عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية
او حطو عليها علك <<< الاخيرة فكرة هنود ما تلاحظون
حبيت انبهكم وبس والباقي عليكم
الله يستر على خويي يارب
الله يعدم جهاز الولد راعي البرنامج
والله يهديه او ياخذ روحه ويفك الناس من شره
قولو امييييييييين.
انتهى.
معقوله للدرجه هذي توصل المواصيل ..
شباب كل واحد يخلي باله من الكاميرا …
للأمانة منقول

[من ينسيني غلاك ؟]

جزاك الله كل خير على النصيحه

والله يكون بعون خويك ويستر عليه


وفي حاجه بالبقاله قيمتها ريال واحد اللي هي الشطرطون أو التيب

خذ منه قطعه صغيره وأستر على نفسك

[البغدادية]

الله يستر عليناا وعلى كل المسلمين يارب
مشكور يااخي على التنبيه
والله يعطيك العافية
تقبل تحياتي

[اوروتشيمارو]

لا عاد تذكرني
يسلمو على المروور لا ابشرك في احسن منه و رخيص بنص ريال علكة بو بالوونه امضغها و الصقها , تسلم يالغلا على المرور

[اوروتشيمارو]

البغدادية
مشكورة اختي على المروووور اذا كان عندكي كاميرا غطيه بقماش او منشفة