قصة ابليس والعجوز

[همس الاشواق]

كان يا ما كان في قديم الزمان ………كان فيه أمراة عجوز قاعدة لوحدها

وفجأة طلع لها ابليس ……… العجوز خافت وسمت بالرحمن

ابليس :أنتي يا عجوز هل تعتبرين نفسك داهيه؟؟؟؟

العجوز: نعم أنا داهيه والنساء عموما كيدهم عظيم

أبليس: أنا أتحداك……..وبنشوف مين كيده أعظم المرأة ولا أبليس

العجوز : خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز برهان

ابليسO.k :

راحت العجوز لواحد من هالبطاليه اللي ما عندهم شغل

وقالت أنا بشغلك عندي فترة معينه بس……. اذا تريد فلوس لا تتدخل ولا

تتكلم وافق الشاب لأنه طفش من البطاله ويريد فلوس

راحت العجوز ومعاها الشاب لمحل قماش وقالت له أنتظرني عند باب المحل

دخلت المحل واخذت قماش غالي وراحت تفاصل تاجر القماش

العجوز: رخص يا بن الحلال

التاجر : اذا أنتي ما عندك فلوس أشتري شيء أرخص

العجوز : ما أقدر ….لازم ولا يصير شي ء ما صار

التاجر ليش ؟؟ …..لهالدرجه …..شو القصة؟؟

العجوز: شفت الشاب اللي واقف عند باب المحل هذا ولدي يحب وحده متزوجه وهي تحبه ولما تتطلق من زوجها …ولدي بيتزوجها

وهو قالي أن عارضتي الزواج بأطردك من البيت وأمرني أني أشتري قماش غالي عشان يعطيها لحبيبته ولا يطردني من البيت مع أن البيت

بالأساس بيتي ولكني غلطت وكتبته بأسمها العجوز تبكي


التاجر: خلاص هونيها وتهون والله كسرتي خاطري خلاص أنا بأعطيك القماش ببلاش….وعسى الله يواجرني

العجوز طلعت مستانسه وقالت للشاب روح البيت

بعدها راحت العجوز لبيت زوجة تاجر القماش ورنت جرس الباب وطلعت الزوجة

العجوز: آه بابنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق

رحبت الزوجة ودخلتها وأكرمتها وجابتلها شاي

وطلعت العجوز: مشكوووووورة ما تقصرين ان شاءالله أردها لك (تعمدت تنسى القماش )

الزوجة: حرام نست قطعة القماش …أكيد بترجع بعد شوي وتاخذها بروح أحطها بالدولاب

تاجر القماش رد لبيته وتغدى ذاك الغدا ونام شوي

وفتح الدولاب بيغير ملابسه عشان يروح محله ……(مفاجأة) قطعة القماش وعرف أن المرأة اللي يحبها ابن العجوز هي زوجته يعني تخونه

قام عليها وطلقها وطردها بالشارع بالهدوم اللي عليها

العجوز كانت تنتظر هاللحظه في أخر الشارع فراحت لها تركض

العجوز: وش فيك يا بنيتي ليش تبكين؟؟؟

الزوجه زوجي طردني …وما عطاني فرصه أتكلم

العجوز: خلاص أنا بأوديك بيتي وأنا بروح أحل المشكله

راحت العجوز لبيتها ودخلت الزوجه في غرفة بينما الشاب كان في غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه إمرأة وقعدوا ببيتي حاولت أطلعهم ما قدرت ) أحتلوا بيتي
ذهبت الشرطه وقبضت على الشاب والزوجه ….ووضعوهم بالسجن

العجوز: ها ها وش رايك يا أبليس ؟؟ دورك اللحين حل المشكله

أبليس : لا لا ما أقدر أحلها السالفه تشربكت مرررررررة

العجوز: أنا راح أحلها وكأن شيء لم يكن . وراح أربح الرهان

راحت العجوز تزور الزوجه بالسجن وقالت لها :أنتي ساعدتيني مرة

وأنا اللحين بأساعدك يللا ألبسي عباتي وغطي نفسك وأطلعي من السجن كأنك أنا وأنا بأقعد مكانك

الزوجة: مشكووورة ….لكن أنتي ؟؟؟

العجوز: مالك شغل مثل ما طلعتك بطلع نفسي

تمت عملية الهروب بنجاح

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشو مسوين؟؟

ردت العجوز:احنا ما سوينا شيء كنا قاعدين ببيتنا أنا وولدي ولا الشرطه طابه علينا وماخذينا السجن

عصب الوالي وهزأ الشرطه وما عطاهم فرصه يتكلمون ويقول:غلطانين وتبون تتكلمون.شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته

بريئه وقالت خذ قماشتك لأن ولدي سافر هو و زوجته الجديدة

رجع التاجر زوجته وتأسف منها و راضاها بعد

العجوز : وش رايك يا أبليس أنا فككت السالفه سهله

أبليس : أنتي ربحتي ….يما………يما أن كيدهن عظيم
احدررررررررررررررررررررررررررررررررررررررررررررررر رررررررررووووووووووووووووووووووواااااااااااااا مناااااااااااااا يييييييياااااااااا شباب