لا تتركني

[سيف البغدادي]

تعودني عليك أيام أبد ما أفارقك ليله
و إذا عنك أروح اليوم أقول لك نلتقي باكر
تعودني على لطفك و أسلوبك و تدليله
و تتوقع أنا بحيا بدونك يوم بتسافر
أنا ما ودي أشكي لك و لكن قلت الحيله
أليمه فرقتك والله و أنا ع البعد مب قادر
دخيلك أجل الموعد إذا تقدر ع تأجيله
دخيلك حط دمعاتي في عينك قبل ما تسافر
يا شين الوقت في بعدك دقيقه كنها ليله
شيصبرني و أنا أحبك و مثلك في البشر نادر
تعلق قلبي بقلبك يسمع منه و يحكي له
تدلل قول بس إطلب أقول لك غالي و تامر
أنا مدري إذا قلبي رفض يصبر شسوي له
تخيل حالتي بعدك أنا تحطمت ع الآخر
أكلم نفسي فغيابك ألوم القلب و أشكي له
و أصبر نفسي بالقوة و أقضي الليل و أنا ساهر
تلاقينا فبعض صدفه سولف لي وأنا أحكي له
ومن أول نظرة حبيته وصــــرت لشوفه أبادر
ذبحني السحر فعيــــــونه يا ويله قلبي يا ويله
أنا أفهم لغة العيـــــــون ولكن صرت مب قادر
أنا أتمنى قبل لا يــــــروح يلمس دمعي منديله
أبيه يحس بإحساسي أبيه يقـــــــــول لي تامر
أبي حضنه يدفيني خليل يــــــــــــــودع خليله
وأقـــول بصوت به شهقه..فمان الله يا مسافر
وأرجع م المطار وحـــدي يشلني الهم وأشيله
شيصبرني أنا شهرين وهـــو بس توه مسافر
عزاي إنه أخذ قلبي في وســـــط عيونه يشيله
وأنا أصبحت في بعده وحيد وأكسر الخـــــاطر

[الأحبة]

يسلمو ع هل الابداع روعة روعة