النــاس لاموني وأنا ماأسمع اللوم .....#

[ماهموني لكن جرحوني ..!]

السلام عليــكم ورحمــهـ الله وبركــاته ....

///

الناس لا موني وانا ما أسمع اللوم
ياليتهـم شافـو عيونـه وجيـده
كان الحسن بالكون حـظ ومقسـوم
انا اشهد انه تـاج راسـه وسيـده
حسن البشر في كوم والزين في كوم
الله عطاه مـن الوصـوف الفريـده
الى هرج يآمر تقـل حاكـم القـوم
والى مشى كـن الخلايـق عبيـده
ينبت بقاع لا مشـى فيـه يشمـوم
السحـر عينـه والسلامـات بيـده
نوب يناظرني تقـل سارقـه نـوم
ونوب كمـا حـر طلـع للطريـده
وليا خزرني خزق القلـب بسهـوم
أحس قلبـي ينمـزع مـن وريـده
هواه في قلبي مـن العـام لليـوم
لا قلـت ينقـص الليالـي تزيـده
يرسل بغاراته على القلـب بالكـوم
والقلب ماهو قطعـة مـن حديـده
لا قلت ارحم ياهوىالبـال محـروم
وقف تبسـم قـال: هـذى بعيـده
اعرفك مرجوج ولـك بالهـوى دوم
قصة مع بيـض العـذارى جديـدة
قلتله ياموتي الـى قيـل مرحـوم
لوكنـت مرجـوج ترانـي وليـده
حر موحش ماتبرقـع عـن الحـوم
صيده سميـن ولا يصيـد الزهيـده
أقفى وهو يضحك وأشـر بالبهـوم
قال الوعد ذا الليل واخـذ الوعيـده
قطعت له ميثاق وعهـود وقسـوم
هو قاتلـي بالحـب وانـا شهيـده


///

لاتحرمونا من ردودكم ...

[جفاك غير غلاك]

روعه اخوي ويعطيك العافيه

[من ينسيني غلاك ؟]

صح لسانك أخوي ماهموني