الحريم و هم رادين من العرس ..؟!

[غـــ زايد ـــــلا]

الحريم و هم رادين من العرس ..؟!

****************************


اخوهم : اركبوا السياره وكل وحده تنتبه لا تصك باب السياره على عبايتها


و بمجرد ما انقفل باب السياره بدأ الأستديو التحليلي اسمعوا ما قاله وما يقوله النساء بعد كل زواج



الأولى : ايش فيك تأخرتي؟


الثانيه : ساعه قاعده ادور على عباتي انتي ما شفتي الحريم يتضاربون عند العبايات ... العبايات تلخبطت


الثالثه : يا ليتنا ما رحنا زواجهم


اخوهم : ليش؟


الثالثه : زحمه و البزران يتضاربون بقشر البرتقال و يلعبون بالمويه


الأولى : ما شفتي ذيك اللي كبت القهوه على الحرمه اللي كانت نايمه؟


الثالثه : لا والله ما شفتها .. انا ما شفت و لا شي في الزواج ، طول الوقت قاعده ادور على جزمة بنتي مها


الثانيه : ايش رايكم في الفستان اللي لابسته هدى؟


الأولى : مو حلو محنقط عليها والسحاب باين


الأولى: انا اعجبني مكياج أمل تقول ان زوجة خالها جابته لها هدية من باريس


الثالثه : هههههههههههههههههاااااي من باريس تضحك عليك يا هبلا تلقينه من محلات ابو عشره




الغريب و العجيب انهم و اثناء حديثهم في السياره يقولون لبعضهم خلاص يا بنات بس ترى ما يجوز نتكلم على الناس!!




الثانيه : صح والله كلامك يا اختي ما يجوزنتكلم عليهم ،بس شفتي الحرمه اللي كانت قاعده جنبي على العشاء وتقطع لي لحم؟


الأولى : ايوه شفتها هههههههه متوصيه فيك ، شكلها بتخطبك لولدها


الثانيه : وجع في شكلها هي وولدها قاعده تقطع لي من اللحم الكبار اللي ما ينوكل


وهي طايحه في اللحم الزين


العشاء


اخوهم: ايش رايكم في العشاء


الثالثه : دسم و كله شحم


الأولى : بارد


الثانيه :اللحم كبار


الثانيه : و فيه حريم ما تعشوا قاعدين على الكراسي اللي في الكوشه شايفين نفسهم


الأولى : حتى ام العروسه ما تعشت مسكينه طول الوقت قاعده تبكي..


الثالثه : هههههههههه تبكي من الفرحه يا هبلا ، ما شفتي صدرها منتفخ من الفلوس


بس خلاص ما يجوز


صح و الله ما يجوز ، بس شفتي ، و شفتي ، و شفتي


و اخيرا وصلنا المنزل


اخوهم: شوفو لي حبتين باندول اكسترا.


************************* *************************
اقتراحات لمن يريد ان يتزوج :


1- اصرف حبه باندول لكل رجل بعد العشاء .


2- لا تقدم للنساء رز و لحم و مفطحات.


3- قدم للنساء علب صغيره على شكل و جبات في كل علبه واحد كت كات و عصير و حبتين ورق عنب، و لبانه للتهظيم ، و راح يدعون لك.


4- تدفع كل أمرأه مبلغ عشره ريال كتأمين عن التخريب والتكسير الذي يقوم به اولادها ( تكتب هذه الجمله على كرت الدعوه ).


5-واخيرا يوضع اسم المرأه اللتي لا تلتزم بنظام القاعه في اللآئحه السوداء للقاعه

تحياتي لكم

:1: غـــــلا زايـــــد

[m7taj angell]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه


حلوووووووه منك يلغلاااااااا


ميرسوااااا
خيووووووو

[المنوليزا]

والله انهم صدق حريم امهات برااااقع..ماينعطن وجه....وخخخخخخخخخخخخ ماكنا منهم ....



والصراااحه الله يعين الاخ مب الا بندووول يبغيله يبغيله غسيل مخ من كثر الهذرة ...


يسلمووو على المووووضووووع

[شفت كاترل]

غريبه ياغلا زايد والله اللي انا اعرفه انه يسكتون
في السياره واذا وحد نسيت وتكلمت تقول لها اخته
اسكتي شوفي فلان جادع اذنه يتسمع تعني اخوها

[المنسي]

ههههههههههههههههههههههههه



زحمه و البزران يتضاربون بقشر البرتقال و يلعبون بالمويه

هههههههههههههههههاااااي من باريس تضحك عليك يا هبلا تلقينه من محلات ابو عشره


هههههههههه تبكي من الفرحه يا هبلا ، ما شفتي صدرها منتفخ من الفلوس

ربي يعطيج الف عافية

يا ام سوالف