الجنسية الحمصية هبة من الله

[نورعمار]

الجنسية الحمصية هبة من الله سبحانه * ورفعنا بعضهم فوق بعض درجات *

والحمد لله على هالنعمة و لازم تكون مقتنع إنو حمص مستقلة

ولازم يكون كرماوي لإنو الكرامة إنتماء منفصل

أن تكون مستعداً لأن تعيد يوم الأربعاء ، يعني تصيف عالأخير ، : تمشي بعكس السير مثلا ، تلعب بالطابة بالشارع ، تلحق بنت وتلطشها ، تسبح عالشاطئ ، مع إنو ما في شاطئ عنا بحمص ، بس بدك تدبر راسك

يعني :تخرج عن كل الضوابط والأعراف المألوفة ، فكل ما هو مألوف يجب تغييره يوم الأربعاء .

لازم تكون من العالم يللي بحبو أكلة المجدرة مع البصل طبعاً ، وإذا ماكنت هيك روح دور لك على غيرنا .

ولازم تكون مطيع كتير لزوجتك ، لأنو الحماصنة مرضيين كتير ، يعني بدك تخفف شوي من رجولتك .. يعني ال تصير خروء شي 8 ساعات باليوم ومالك كلمة بالبيت

بدك تكون ظريف كتير مع الموظفين ، لأنو عندنا الموظفين بحمص حساسين كتير و بيزعلو قوام ، يعني بدك تراجعهم بذوء وهدوء بدون ما تجرح مشاعرهم ، ولا تنسى .. المعلوم !! إي إي هه ، المعلوم لأنو بلاه ! مافي شي بيمشي .

لازم يكون عندك فراسة وسرعة بديهة ، وتعرف الشوفير اللي ماشي قدامك لوين رايح وكيف بدو يلف أو بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !!

وعلى فكرة لازم تزكرو كمان إنو يشغلك العداد لأنو وين مارحت رح ياخد منك 50 ليرة ، لذلك فزكرو منشان يشغل العداد .

لازم تكون رئتك ملوثة بنسبة 99.999 % لأنو إذا كنت متعود على الهواء النظيف والعليل ، ما راح يمشي حالك عنا بتمرض بعدين بأمراض مزمنة ، لأنو عنا كل أنواع التلوث .. والحمد لله .

إلا إذا حبيت تسكن غرب حمص ، على ضهر القصير مثلا أو بالقرب من مرمريتا ، فيمكن يمشي حالك وبيجوز تموت هنيك ، لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف .

لازم تحكي عالعريض ، أما شو يعني عالعريض ، فلازم تسأل مهران يوسف تبع برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ، وغالبا راح يحجبها عنكم .

ولا ننسى الأركيلة .. لازم يكون عندك نفس ماكن يعني شفيط نمرة ون .

ممكن تحصل على مرتبة الشرف إذا قتلت إتنين حموية ..

أكيد بدك ولازم تحفظ شعار الحماصنة .. وهوي : الحماصنة الصقور الحرة .. نظرتهم حادة ومرة .. واللي بيحبهم مرة .. بيحبوه ألف مرة ومرة ..)

وأخيرا وليس آخرا : إذا وجدت هذه الشروط منطبقة عليك أو بإمكانك الوفاء بها ، فأنا جاهز!، ولحق حالك ها لأربعاء لأنو كل أربعاء الشروط بتتغير….!!

حلو صح ؟؟؟

بتمنى يعجبكن الموضوع
تحياتي

[ابوزاهر]

هههههههههههههههههههههههههههههههههههههههههههه

نور و صل البل لدقني انا حمصي وافتخر بربي انت نكتة مين قلك كل اربعا بتتغير الشروط الشروط كل تنين لانو التنين اقرب من الاربعة وعلى فكرة اليوم اربعاء وعيدنا
وكمان نحنا مجموعة من الحماصنة هون انا وباسل ابو محمد الكرماوي ومبحر وابو البراء وعابر سبيل وجوليت وابو خالدد

فديري بالك من الحماصنة

مشكورة اختي الله يعطيكي العافية


اخوكم ابوزاهر الحمصي

[basel_67]

شو علاي
بسيطة

[نورعمار]

المشاركة الأصلية كتبت بواسطة ابوزاهر

هههههههههههههههههههههههههههههههههههههههههههه

نور و صل البل لدقني انا حمصي وافتخر بربي انت نكتة مين قلك كل اربعا بتتغير الشروط الشروط كل تنين لانو التنين اقرب من الاربعة وعلى فكرة اليوم اربعاء وعيدنا
وكمان نحنا مجموعة من الحماصنة هون انا وباسل ابو محمد الكرماوي ومبحر وابو البراء وعابر سبيل وجوليت وابو خالدد

فديري بالك من الحماصنة

مشكورة اختي الله يعطيكي العافية


اخوكم ابوزاهر الحمصي

مشكور على مرورك أخي

[نورعمار]

المشاركة الأصلية كتبت بواسطة basel_67

شو علاي
بسيطة

ميرسي عالمرور خيو