طبعا هاي القصة منقولة من احد المنتديات وهي قصة بالحيل حلوة حبيتكم تقروونها
اوكييي؟؟؟
وللأمانه الكاتبة اسمها فاتنة دبي
الجــــــــــــــزء الاول:
كانت ساره دلوعه اهلها والكل يحبها وكانت تتمتع باجمل الصفات من جمال واخلاق طيبه وذكاء واما جمالها فخلو على صوب لانها صدق كانت قمر ..كل اللي يشوفها يتخبل على جمالها .. وهي عمرها 19 سنه يعني في اول سنه جامعه وعندها صديقه روح بالروح وياها وهي ريم لان ساره كانت وحيده فعشان جذي تعتبر ريم اختها وصديقتها وكل شي ..
والقصه تبتدي ::
ام ساره : حبيبتي سارونه وينك ساره
ساره : هلا امي انا بغرفتي
طلعت ساره من غرفتها عشان تشوف امها شو تريدها
ام ساره: وينك ساره من متى اناديك حبيبتي
ساره : امي كنت اكلم ريم ربيعتي .
ام ساره : وتضحك والله اني اغار من هالريم . كل وقتك وياها
وضحكت ساره وحضنت امها وقالت : محد مثلك يا احلى واروع ام بالعالم ..
ام ساره : يالله خلي عنك هالكلام : تقول حبيبتي سارونه لاتنسين عزيمه خالتك لنجاح بنتها نوره من الثانويه
ساره : اكيد امي مب ناسيه افا وانا اقدر انسى نجاح نوره .
وراحت ساره واتلبست ولبست احلى ما عندها واتمكيجت بمكياج خفيف وبسيط
ام ساره : دخلت على ساره تشوفها خلصت ولا
وشافت ام ساره ساره بجمالها وكشختها وقالت لها : ماشاء الله عليك يا بنتي طالعه مثل القمر اقري على عمرك يا بنتي اخاف يحسدونك
ساره وهي مبتسمه : على شو يحسدوني امي
ام ساره : سارونه بلا حركات تعرفين انك حلوه والكل يمدح فيك من صغرك :
ساره " اكيد لاني طالعه على امي حبيبة عمري
صدقها الام لان ساره مب بس حلوه بل فاااااتنه.. شعرها البني على العسلي وعيونها العسليات الحلوات الوساع اللي كانها عيون الغزال وجسمها كان صدق متناسق كانها عارضه أزياء .
ام ساره: يالله خلي عنك هالكلام ويالله نروح تاخرنا الدريول يتريانا في السياره
وراحو كلهم العزيمه
وكانت ساره احلاهم
وجت ساره وسلمت على بنت خالتها نوره وباركتلها على نجاحها
نوره : زين جيتي شو هالتاخير كله ؟
ساره : بعد تعرفيني يوم اختار بدله ولبس كيف اتاخر
نوره : بس ماشاء عليك طالعه قمر .. غطيتي علي ..
وضحكت ساره
وقالت لها ساره: محد يغطي على رقه وحلاة بنت خالتي نوره
وجت من وراهم هند اللي هي بعد بنت خالتها يعني اخت نوره وهند اكبر عن ساره بسنتين وهند تغار من ساره وايد لانها احلاهم ولان الكل يحبها ويحترمها
جت هند وقالت لها مب من خاطرها " هلا ساره
ساره: هلا ببنت خالتي هند شو اخبارك واخبار الدوام
هند : اكيد تمام
وراحت عنها هند
ساره وهي مستغربه : بلاها هند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منك
ساره : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا ساره وامها
وكانو يتكلمون ويضحكون وفجاه دخل ولد خالتها اللي هو اخوهم خالد
خالد كان اكبر اخوانه وكان طيب وخلوق ووسيم وكل البنات متخبلين عليه ويترجون نظره منه بس هو قلبه مب ملك أحــد غير (ســــاره ).
بعد ومن صغره كان متيم في ساره مب بس متيم بل يموت فيها : ودخل وفجاه شاف ساره .. وكان يشوفها بنظرات حب ويقول في خاطره : ساره هني واخيرا وينك يا نبض قلبي وينك عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته ساره . وكانت هند تشوف ساره بنظرات كلها غيره
وساره استحت واحمرت ونزلت راسها .
خالد بعد استحى ودعى على هند في خاطره
خالد " السلام عليكم اشحالك بنت خالتي ساره
ساره : الله يعافيك خالد انت شو اخبارك .
ام ساره : بس ساره ونحن وين رحنا
ضحكو كلهم على خالد لان ما كان يشوف الا ساره
وخالد أبد ما كان يتكلم لانه بس يريد يشوف حبيبته ساره .
وقالها وهو يشوفها من فوقها لين تحتها .
خالد : ماشاء الله عليك يا بنت خالتي طالعه اليوم ملاك .
ساره صدق وجهها محمر : عيونك الاحلى بس عاد لا تبالغ
خالد : وربي ما ابالغ المجنون اذا شاف جمالك راح يصحى
نوره : عيل خلا نودي ساره مستشفى المجانين عشان كلهم يصحون ويستوون زينين .
وهني الكل تم يضحك
بس خالد كان تفكيره كله في ساره .
ام ساره " يالله عن اذنكم بنروح البيت الوقت تاخر
ام خالد : وين تو الناس بعدنا ما شبعنا منكم
ام ساره : الود ودنا نتم لين الفجر بس ما يصير
ساره : اكيد القعده وياكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت ساره عند خالد
. وهي منزله راسها : مع السلامه يا ولد خالتي
خالد وعيونه على ساره : مع السلامه يا القمر اووووه قصدي يا بنت خالتي
وعلى طول ساره طلعت لانها صدق استحت وما تعرف كيف ترد على كلمات خالد العذبه .
وبعد ما وصلت ساره البيت
كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره
لان من و هو صغير يحبها .. وراح عند امه باخالليل
وتم يدق الباب على غرفه امه
خالد : امايه امايه افتحي الباب
ام خالد: مستغربه : خالد شوفيك وين يعورك شو فيهم خواتك ..؟
خالد : باسم الله عليك امي ما فينا شي
ام خالد : عيل ليش جاي هالوقت تعرف الساعه كم
خالد هي الساعه 2 ونص شو يعني .. المهم امي الله يخليك ابي اقولك شي
ام خالد فتحت الباب وهي مستغربه من خالد وتشوفه بنظرات غريبه
ام خالد : قول اللي عندك يا خالد شو فيك ؟
خالد امي تعرفين اني احب ساره بنت خالتي من صغري وجا هالوقت اللي تخطبينها لي امي اخاف احد ياخذها مني واذا احد خذاها بموت يا امي تعرفين شو يعني بموووووووت .
ام خالد وهي تضحك على خالد . باسم الله عليك من الموت يا خالد
الله ياخذ بليسك يا خالد موعينا هالوقت علشان هالسالفه .. لا تخاف ساره ان شاء الله ما بتكون الا لك
خالد: ابيك تكلمين امها باكر اوكي
ام خالد : خلاص حبيبي تم بس انت روح نام الحين
وفي اليوم الثاني قامت ساره وراحت عند امها
ساره : صباح الخير يا أحلى واغلى ام بالعالم
ام ساره وهي مبتسمه : صباح النور يا احلى ساره او قمر على قولت خالد وتمت الام تضحك ..
ساره وهي منحرجه : امايه عاد ليش تضحكين لا تعلقين على كلام خالد ولا هو كذب يوم قالي قمر
الام : هههههه لا يا بنتي ما اضحك على كلامه بس اضحك على حبه صدق عيال هالايام حبهم غير.
وتمت ساره تضحك على كلام امها .
وفجأه رن موبايل ساره :
ساره : الو
ريم صديقتها : هلا سارونه هلا بصديقه عمري
ساره : هلا وغلا بالغاليه
ريم : شو اخبارك ؟؟ وينك البارحه ما عبرتينا ولا دقيتي علي تعرفيني ما اقدر على بعدك
ساره: كنا معزومين على نجاح نوره بنت خالتي .
ريم : هاااااااااا اشوف بعض الناس ما عبرونا لازم اكيد شافو الحبيب حبيب القلب.
ساره : بس عاد لا تذكريني .ترى اخاف اسرح فيه
ريم : يا ويلي على الحب ..
ساره وهي مستحيه اونها : احم احم
ريم : سارونه حبيبتي تعالي اليوم بيتنا بنتغدى وبعدين بنروح سيتي سنتر علشان نتشرى اوكي
ساره : اوكي بس غريبه شو تبين تشرين وليش؟
ريم : يعني محد يروح السوق الا اذا شي مناسبه
ساره : لا بس مستغربه مب من عوايدك قولي ريم شو عندك
ريم : اممممممم الصراحه ابي اشتري اشياء حق اخوي اللي يسوى عندي كل شي. اخوي فهـــــد
ساره : فهد ؟(وعلامه تعجب في وجهها) ..
ساره : بس فهد مسافر حق الدراسه
ريم : حبيبتي فهد خلص الدراسه يا صباح الخير لا انتي داريه لا فيا ولا في اخوي
ساره : وانا شو عرفني في اخوك اصلا انا ما شفته ولا مره
ريم : يالله بسج رمسه تعالي بيتنا الحين سمعتي ألحيـــــــــــــــن .
ساره : زين باسم الله شو فيك محرجه خلاص الحين بقول حق امايه
وبعد هاليوم اتصلت ريم من الصبح حق ساره وساره في سابع نومه
ريم تتصل فيها
ريم : الو سارونه سارونه
ساره وهي معصبه لان مخربين نومها وبتعب تقول : الو منو ؟
ريم : منو يعني انا ريمان
ساره : الله يهديج يا ريم تتصلين صباح الله خير في هالوقت
ريم : أي صباح الله خير الحين الساعه 11 قومي بسج رقاد
ساره : شو تبين خلصيني والله فيه نوم
ريم :ساروه اليوم نحن معزومين على بيت قوم لطوف ربيعتنا وكل بنات للمدرسه بيروحون هناك يعني وناسه .
ساره وفجأه نشت من المخده : والله صدق رووووعه يعني بنات المدرسه بيجتمعون صدق وناسه بنتذكر ايام المدرسه .ريم : هي والساعه 8 نكون هناك وانا ابي اروح عشان اشتري بدله حلوه لهالمناسبه لان الكل بيكون موجود ابي اتكشخ .
ساره : ليش يا حلوه ما عندج بدله يعني
ريم : لا عندي طبعا بس ابي اشترلي بدله يديده .شو بتين وياي ولا ؟
ساره : اكيد بيي ومره وحده اشترلي بعد
ريم : خلاص عيل تعالي بسرعه لا تنسين
ساره : لا حبيبتي البارحه ما تغدين ويا امايه حرام ما تهون علي بيي العصر وبنتشرى اوكي .
ريم: خلاص حبيبتي اشوفج على خير بس تعالي بسرعه عشان نلحق اوكي بااااي
وسقرت ساره من ريم وراحت عند امها تستشريها وطبعا الام وافقت .
(بيت فاطه خالة ساره )
نوره : والله احس من زمان وما شفت بنت خالتي الغاليه ساره .
هند وباستهزاااء : يعني شو من زمان من اسبوع كانت هني .
نوره : تعرفيني متعوده عليها ولازم اشوفها
بروح اتصل فيها .
هند .: روحي روحي وانا بروح اتصل في منى
نوره : انا منى الصرراحه ما عرف ليش ما ارتاح لها احسها حركات وشايفه عمرها .
هند وهي معصبه : والله حبيبتي من لازم ترتاحيلها اهم شي انا ارتاحلها انزين .
نوره : انزين انزين عفان الله بلاج شبيتي علينا تقولين انتي الاكبر مب كاني اكبر منج
هند وتأشر على صبعها : بسنه وحده اكبريعني ما شي فرق وايد
نوره : بسنه بشهر باسبوع المهم اكبر منج .خلا اروح اكلم ساره احسن من مجابله ويهج .
هند وهي منقهره : روحي روحي وانا خلا اكلم منى احسن .
واتصلت هند في صديقتها منى . وصح كلام نوره لان منى من النوع المتكبر وايد وعليها سوالف وحركات .
هند : الو مرحبااااااااا
منى : مراحب يا هلا بهنود
هند : هلا فيج .شو وينج
منى : ويني بعد في البيت قاعده عالمسنجر
هند : انتي ما تملين من المسنجر
منى : لا والله وناسه بس انت يلو تجربين بتعرفين كيف .
هند : وين اجرب ما عندي مسنجر واصلا ما احب الكمبيوتر.
هند : لانج ما تعرفين شو داخل الانترنيت حبيبتي اذا تبين تحبين وتعيشين بالغرام يلسي عالانترنيت والمسنجر .
هند وعلامه تعجب في ويها : والله كيف
منى : انتي تعالي بيتنا وبعلمج كل شي .
هند : والله زين خلاص الحين بقول حق امايه وبيي بيتكم اوكي
منى : اوكي يالله اترياج
وطبعا هند للاسف كانت ساذجه وما تعرف صديقتها منى شو تقصد بهالكلام .
اما ريم وساره راحو يتشرون عشان عزيمه اليوم . وهم يتشرون فجأه شافت ولد خالتها خــــــالد ومعاه صديقه محمد .
خالد وهو مستغرب ومبطل عيونه : محمد محمد مب هاي ساره .
محمد : أي ساره .؟
خالد : حبيبة القلب روحي وعمري قوم قوم خلا نروح هناك
محمد : الله يعينا على الفلم الهندي
وراح خالد ويا ربيعه محمد وخالد عيونه على ساره :
خالد بصوت ونبرات كلها حب : انا احلم ولا اتخيل ساره موجوده ؟
ساره وهي منحرجه : هلا يا خالد شفت عاد الصدفه شو اخبارك يا ولد خالتي .
خالد وفي خاطره ( لا تقولين ولد خالتي قولي خطيبي او حبيبي: تمام يسرج الحال يا بنت خالتي .ها شو تسوون هني
ريم ,وهي تشوفه بدلع وتقول: زين قلت شو تسوون زين جمعت قلت يمكن ما شفت غير ساره .
وهني ساره ضحكت برقه : وخالد استحى وقال : لا افا عليج يا ريم كيف انسى ريم صديقه ساره المفضله
اما محمد فماكان يتكلم ولا كلمه لانه عيونه على عيون ريم ومتخبل عليها وساكت .ريم حست بنظرات محمد واستحت وااايد اول مره احد يشوفها بهالنظرات .
ساره : شو اخبارك محمد ؟
محمد في عالم ثاني عالم ريم .
خالد : محمد محمد وين وصلت
محمد : ها شو شو شو شو السالفه ؟
خالد : نحن اللي نسالك شو السالفه وين وصل تفكيرك
محمد يرمس شوي شوي ويقول لخالد : معاها معاها ما تشوف كيف حلوه ورقيقه
خالد : منو
محمد : منو بعد صديقه حبيبة القلب
خالد : ريم
محمد : الله حتى اسمها حلو ريم شيخه الحريم
خالد وهو يقرص محمد : بسك فضحتنا فضحتنا .
ساره وهي مستغربه : بلاكم عن شو تتكلمون
خالد : هاا لا لا ما شي ما شي محمد يقول انه يوعان بيروح ياكله شي.
ساره :ها خلاص عيل نحن نترخص عشان ما نتاخر اوكي يا ولد خالتي مع السلامه .
خالد : مع السلامه يا ساره واشوفج على خير
محمد وعيونه على ريم : مع السلامه ساره وووووو وو مع السلامه يا يا ريم .
ريم وهي منحرجه ومنزله راسها وبصوت رقيق : مع السلامه يا محمد .
وراح محمد وخالد . وفرحت خالد غير لان شاف حبيبته واما محمد فكان سرحان في ريم
ساره وهي ميته من الضحك
ريم وهي مستغربه على ساره : شو فيج ليش تضحكين ؟
ساره وهي مبتسمه : لا حبيبتي سلامتج بس تذكرت نظرات الولهان على بعض الناس .
وهني ريم فهمت شو تقصد وابتسمت : تصدقين سارونه . ما عرفت ان خالد عنده صديق بهالحلاه والجمال .
ساره : طبعا لان خالد ما يمشي الا مع الحلوين مثله
ريم : خلي عنج هالرمسه وقومي نتشرى يالله
في بيت منى صديقه هــــــند:
منى : زين والله ييتي تعالي قعدي عندي براويج اشياء تخبل.
هند : والله شو هيه؟
منى : شوفي انا اكلم واحد عالمسنجر بس شو يموت فيه اتصدقين يحبني واي شي ابي ينفذلي.
هند : وانتي تصدقين انه يحبج حبيبتي هذا اكيد يقص عليج
منى : أي يقص علي اقولج يموت فيه بس انا مب بس اكلمه بالمسنجر اكلمه بعد بالتلفون .
هند وهي مستغربه وتشوف منى بتعجب : بالتلفون ؟ منى كيف ترضين على عمرج تغازلين .يمكن يقص عليج .
منى : والله انج فاضيه شو يقص علي اقولج يحبني وينفذلي كل شي وما انام الا بكلماته الحلوه والله حياتي صارت روعه وياه ..اااااااااه كيف احبه
هند وهي بعدها مستغربه : يعني صدق تحبينه يعني ما يقص عليج .
منى : اقولج احبه وبعد بيتزوجني تخيلي تاخذين واحد عن قصه حب والله روعه بس انتي لو تجربين هالشي بتشوفين
هند : لا لا لا حبيبتي خليني بعيده عن هالسالفه شو تبين خالد اخوي يذبحني .
منى : وهو اصلا شو عرفه .ما بيعرف عن شي انتي بس طيعيني وكلمي واحد وبتشوفين كيف حياتج بتتغير؟
هند: كيف ارمس واحد لا لا لا ما يستوي
منى : يالغبيه هاي بس فتره خطوبه بعدين هو بيتزوج صدقيني .
هند : ها مممممممممم يتزوجني مممممممم ماعرف خليني افكر
منى : فكري يا عمري وانا بعطيج رقم صديق اللي اكلمه الحين وبتشوفين كيف حياتج بتتغيرللاحلى .
هند وهي تفكر بالسالفه : ماعرف بس بفكر .
ومنى فرحت لانها قدرت تتجذب على هند اللي بسهوله قصت عليها .
وبعد ما ردت ساره وريم من السوق كانت الساعه تقريبا 6 مساء يعني ما تأخرو وايد وكان عندهم وقت عشان يتلبسون ويتمكيجون . وساره قررت انها تتلبس في بيت ريم عشان مره وحده يروحون ويا بعض لان كل اغراضها كانت وياها وراحت ساره والتلبست وكان لبسها اللون الاحمراللي ياي على شكل فستان بسيط ومكياجها بسيط وحلو وفتحت شعرها العسلي وكانت صدق كانها الورده بجمالها .
أما فهد اخو ريم اللي ياي من السفر كان يبي يسوي مفاجأه لاخته ريم بقدمومه وكان يدور عليها وما لقاها وقال اكيد هي بغرفتها وهو ما يعرف ان ساره اللي بالغرفه وفجأه يوم دخل كانت ساره صاده لصوب المنظره يوم فهد دخل
فهد تم يصارخ من الفرخه وقال : ريماااااااااااان مفاجأه
وصدت ساره وشافت رجل غريب ما تعرفه وهي مستحيه ما تعرف شو تسوي لانها ما كانت متغطيه لا بالشيله ولا العبايه وفجأه سكتت ونزلت راسها وما تعرف شو تقول .
اما فهد فكانت بيده هديه ومن المفاجاه او من جمال ساره الهديه طاحت من ايده تلقائيا من دون قصد وتم ساكت وهو يطالعها ويقول في خاطره ( انا أحلم ولا شو السالفه؟ من هذي هاي اكيد حووريه لا أي حوريه اكيد ملاك ما شفت احد بجمالها وهو يطالعها وساكت وهي منزله راسها .
فهد بعد ما حفظ شكلها : ايييي مممممممممم اسمحيلي كنت ابي ابي ابي اختي ريم بس ما عرفت انج موجوده ؟
ساره على طول خذت الشيله وتغطت وهي مستحيه وويها صدق محمر وترد برقه : لا عادي انا الغلطانه لاني ما بندت الباب . ونزلت راسها
فهد : اسمحيلي اختي
وطلع من الغرفه وهو حاط راسه على غرفه اخته ويقول : واااااااااااااو شو هالجمال في حياتي ما شفت في جمالها .
وبعدين يت اخته ريم اللي ما كانت تعرف ان اخوها فهد موجود وهي يوم شافته
ريم فتحت عيونها وتمت تشوفه وتصااااارخ : فهههههههااااااااااااااااااد وتميت تصيح ويت وحضنت اخوها
ريم وهي حاضنه اخوها بالحيل وتصيح وتقول : فهد وينك فهد ليش خليتني من 4 سنين بروحي تخليت عني يا اخوي .وتمت تصيح
وطلعت ساره من الغرفه تشوف شو سالفه هالصراخ.
فهد وهو يكلم اخته ويمسح دموعها : حبيبتي يا ريم تعرفين اني رحت اكمل دراستي .
ريم وهي تشوف اخوها بنظره حب وشوق : للدراسه ولا تشرد عشان ما تحس بمعاناة خلاص يا فهد انسى امي وابوي راحو من كم سنه لين الحين محتاجنها
فهد ترك يد اخته وقال وهو حزين : اااااه يا ريم محد بيحس بشوقي لامي ريم امي راحت عني وانا عمري 10 سنين وكانت بالنسبالي كل شي ما اقدر ما اقدر بدونها اتخيلها بكل زاويه في البيت محتاج لحنانها يار يم . ودمعت عيون فهد .
اما ساره فما قدرت تتحمل على طول دمعه نزلت بعيونها .
فهد حب يتغير السالفه : المهم ريماني انتي شو اخبارج .؟
ريم : والله اني شوي بخير بس الحين اكيد بخير بوجودك اخوي .
ريم وهي تشوف ساره وتبتسم
وتقولها : ساره تعالي اعرفج على اخوي .
ساره منزله راسها ويت عند ريم وفي خاطرها تقول ( هو شافني وخلص ) .
ريم: فهد اعرفك على صديقه عمري واختي ساره .
فهد وهو يشوف ساره بنظرات : هلا والله بساره تشرفت بمعرفة وحده حلوه مثلج .
ساره استحت وما قالت شي غير : تسلم عيونك الاحلى .
ساره استغربت من جرأته .
المهم بعد ما استأذنت ريم من اخوها انها بتروح للحفله مع ساره .
اخوها فهد راح عند أصدقائه اللي من مده ما شافهم .
بس بخياله بس رسمه ساره اللي صدق كان متخبل عليها وقال: قلت هي قمر قلت لا القمر ماخذ من حلاها .كيف أوصفها وهي ما تنوصف من جمالها .رسمه عيونها اللي تعذب المخاليق ولا ملامحها اللي فيها براءه الاطفال ولا خدودها اللي كانها ورود ورديه كيف اوصفج يا ساره كيف ؟
وفهد هو اصلا يموت على الشعرفكانت اول قصيده يكتبها لبنت .
وربعه سمعو الخاطره وقاله صديقه مروان : الله عليك يا فهد شو هالكلام العذب شو اليوم ياي وتقولنا خواطر اخاف بس الاخ متعذب.
وضحك فهد وقاله : لا بس حبيت اقول خاطره لان هالخاطره مميزه عندي .
التعديل الأخير تم بواسطة سندرلا ; 08-20-2006 الساعة 06:28 AM.
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 4
«®°·.¸.•°°·.¸¸.•°°·.¸.•°®» السلام عليكم ورحمة الله وبركاته «®°·.¸.•°°·.¸¸.•°°·.¸.•°®»
اما بعد .........
عن جد مشكوووووره اختي سندرلا على هالقصة المثيره صحيح تتعب بس ايش اسوووووي احب القصص
مووووووووووووووووت
عالعموووووووووم تسلم هالانامل على هالمجهوووود الجبار والتميز في النقل
تقبلي مرووووووري
اخووووك.......
good man911
التعديل الأخير تم بواسطة LoVe&MoRE ; 09-07-2006 الساعة 12:58 AM.
مجنون ساره؟؟
العرض العادي
