انا ومزنة في سوق الخميـس !!

[موتي بعيني]

خذني معك لاصير جسم بلا روح ///:1: :1: :1: الله الله

ابشركم ياجماعة الخير لقيت مزنه !!... لقيتها اللهابوها منيب مصدق يوم شفتها بالصدفه كني ام كنغر لقت ولدها من سنين فاقدته!!
مسكتها وقعد اصفقها واقولها وينتس ياسبهه مابغيتي تجين ,,

كنت ذاك اليوم مودي امي لسوق الخميس تشتري زعفران !! تقول مافيه زعفران الا عندنا بالرياض ..

انا مدري ليه بس كل هالمشاوير الحين ؟!
ولا عشانا نقولهم جيبو لنا ببسي الجميح قالو خلونا نستغلهم !!

مالكم بالطويله اقنعتني امي اني اوديها يوم عيت اقتنع سحبتني مع علباي قالت قم اللهابو اثنين"ن" تخاشرو فيك !!
ركبنا بالسياره ووصلنا للسوق ! واقعد احوس ساعه يالله لقيت موقف ..

وانا اقردن امي اقول يمه خليها مره ثانيه الحين زحمه ,, ( كني بنت مغصوبه على الشوفه تاصل الباب وتهون ) !!

ونلقا موقف عند الزباله <<< الا يجيب طاري وصاخه هههههههههه , وننزل واقطع امي الشارع ..
ويوم اقبلنا على السوق !!

أعوذ بالله ماتشوف الا غربان !! سوااااااااد عبايات اشي مزركش واشي عليه سيفين ونخله واشي شفاف ؟!
وانا داق لطمه من قوة خياس الحريم وماسك عباة امي كني ابو 6 سنوات ..

ونحوم في هالسوق من بساطه لبساطه ماخلت شي ماخذته ,, شرت زعفران وهيل وزنجبيل وجاوني ومعصوب (قوية معصوب) !!
بس تقدر تقووول .... انها شرت شيـ"ن" فيه عصب او سيّر عليكم
المهم وحنا نمشي ونسمع صوت هواش واصوات ناعمه صوتها عالي !! وارفع راسي فوق واشوف غبرة الحريم
عند بسطة !! وادز قلت رح يارجال لاتفوتك بس يمكن يحصلك شين بالحلال .!!

يوم قربت من الهوشه عجزت ادخل من زحمة الحريم وحده تقول ياداشره والثانيه ترد عليها تقول الله يدمر مستقبلك ويفظحك
( وسوس بهم برجس ) !!

ووحده تقول حريقه حريقة انحاشو << هذي راعية اشاعات , ووحده تقول ماتت ماتت , ووحده ماسكه الزاوية وتصيح مالها أي دخل بالهوشه؟!

وثلاث عربجيات منهم وحده واقفه فوق بسطه عشان تشوف زين وماسكه حلاوه بيدها تقول وش هوشة البزران ذولي!!
ووحده تحتها رافع عباتها وتطل عليها وتقول ليت كل يوم فيه هوشه

حاولت اقرب اكثر واشوف هاللي تلوح بيدينها وتقول \ أنا بنت ابو فلان !! (الاسم هذا اعرفه لانه مميز) ..
وزاد الشك عندي يوم شفت اصبع رجلها اليسار لان فيه واحد مايل !!

يؤ .!!! هذي مزنة ,, وش جابها هنا ؟؟؟
واشوفها تصفق في بزر عمرها يمكن 8 سنوات ومعصقله ولابسه صدنل !! وتقول ليييييييه يابنت اللذييييييييينا تطيحين الجلابيات!!
ماقدرت اتحمل شدة الموقف وصرخت عليها

مزنةةةةةة ( الصرخه طالعه من قلب هزة الرياض كلها )
سكتو العالم كلهم .. كأنك ايه بمجلس , أو كان الكهرب طافي ومافي بيتكم الا انت لحالك وهدوووء !!

كل الاعين اللتفتت علي . الا مزنة هالخبلهه ماسكه هالبزر وتصفقها ,, وتقولها وين امك ياكلبه يالله صلحي البسطه ,,
تفشلت انا الحين وش اسوي ابوها حاله ,, كل حريم الرياض صار اسمهم مزنة !! <<< طرّاه الشعير!!

* برايفت البنز / تصدق اني ماعرفت المثل اللي يقول الهذاك زي العلكة لو تدعسة نشب برجلك الا قبل أمس

من شدة الموقف سحبة على مزنة وعلى امي ودقيت لطمه وطلعت من السوق كله !! انتظرة امي برا عند السياره لين تخلص...
واتصلت عليها قلت متى ماخلصتي تعالي انا عند السياره انتظرك ,, قالت امي أوكي بيبي!!
قلت اخس يمه تعرفين بيبي قالت بعد ربع ساعه بتقول اووه بيبي من سعة الصدر اصبر بس ,, ( طرّاه تنورة قصيرة ورجل على رجل في السلطان )

انعفطة في السياره ومتحسف اني ضيعت مزنة من يدي مره الثانيه .. بس وش اسوي اللي علي وسويته بس هي كمخه
وانا مشغل بشير يقول ودانه ودانه ودان وااااداانة (الذيب كم بيض الحمام؟ ) وتجيني هاك البنت اللي ملزقتن خشتها بالقزازة وتطق الدريشه بيدها ؟!

وياشين صوت الطقه من يدين الحريم تسمع قوة صوتها وانت في بن دايل <<<طرّاه الخواتم ..
وتقول افتح ياحلو افتح يالزلابه !! قلت من انتي .. قالت انا مزنة ياطعس !!
ولا من يوم ركبتو دش نسيتونا ؟؟ وامي واقفه بعيد وتمسح دومعها تقول واخيرا اللتم الشمل !

فتحت الدريشه وسحبتها وتحط راسها على كتفي !! قلت مزنة لهالدرجه ؟!!
قالت اووووووه بيبي ,,,
وتركب امي جنبها قلت يمه فيه غماره ورى اركبي ورى ,, قالت معصي يالتسلب تركبني ورى بركب قدام ماعلي
وركبنا كلنا في الغماره اللي قدام تقول تكارنه في دنة نقل عفش !!

ومزنة حاطه راسها على كتفي وتقول يافيصل !!

قلت \ يالبيه ..
قالت \ ماوحشتكش !؟
قلت\ الا والله بس انتي وين رحتي!!
قالت \ والدمع يغلبها \ انا عقبك مثل العصفوره بلا عش . مثل البسطة بدون جلال احمر
قلت \ بس خلاص لادموع بعد اليوم ... خلاص الحين نطلع اقرب مستوصف وعقبها الشيخ المملك ( طرّاه زواج المتعه )
قالت \ فهد.!! قصدي فيصل .. خذني معك,, خذني معك لاصير جسم بلاروح !! ((( اشوا اني ناوي افحصها )))
أنا تهيظت على هالكلمه وبغيت اخربها يوم حست امي بنيتي القذره وترفع كم عباتها وترفع يدها من وراي

وتصكني بكف حلاقه نقص من طول رقبتي 2 سم قالت امش اللهابوك يالداشر لنا ساعه واقفين !!

أمش تحرك خل نعشي اخوانك واللتفت على امي ناظرتها الا برقعها مايل وخشمها طالع مع فتحة البرقع..!! حسيت انها متحمسه صدق !
اتلفت ادور مزنة قلت وينها

.. قالت امي بسم الله عليك بكره تتعود وانا امك اذا اعرست .. من قوة الخبال بتشوف بوش مهوب مزنة !!
The End


الاستنتاج /

* ليه البنت كل شهر يضيق صدرها..!؟ <<< بررررررررريء
* انتبه من خبال الحريم تراه يدوخ خصوصا بالصيف
* ترى مهوب كل ماقلنا شي تصدقونه وتخلطون بين الجد والمزح والغزل العفيف
* وترى مهوب شرط اكتب فوايد للموضوع
* وترى مهوب شرط الفايدة تكون كثيره
* الحياة مصاعب والمصاعب لو تشيل حرف الباء وتحط بدالة حرف الدال ممكن يرقيك للدور الـ 48 وانت فاقن خشتك
* مزنة مازلت ابحث عنك

[No limited]

ههههههههههههههههههههههههههههههههههه لوووووووووووووووووووووووووووووول

انشاء الله ما يلاقيلك مزنه يعني مزونتك الاانا ههههههههههههههههههههه

وتقبل مروري وتحياتي

[موتي بعيني]

فديتك وربي
لا تخليني دووور معي على مزوونه حياتي

[دنيــ؛؛ـأ عـ؛؛ــجـيبهـ]

هههههههههههههههههههههههههه

طيب نبي الجزء الاول هذا الثاني والدليل انك تقول للمره الثانيه تضيعها

كيف تلخط علينا القصه كذا ولا انا القصه نصها ما فهمت منه شي

يالله انك تجمع شملهم مره ثانيه ولا يتفرقون وتبطل امه توديه سوق الخميس



تقبل مروري

[الذئب]

مشكوووووووووووووووور على المشاركة القيمة


الذئب