الفرق بين البنت الناعمه والبنت الدفشه

[Laila]

الفرق بين البنت الناعمه والبنت الدفشه

--------------------------------------------------------------------------------

طبعا الكل عارف أنه الناس اجناس منهم الطيب ومنهم الردي وفي

بنات بعد منهم الحلوو والناعم واللطيف ومنهم البنت الغير ناعمه يعني ثقيلة دم تصرفاتها

تقول ولد وأنا جايه اقولكم الفرق بين البنت الناعمه والغير ناعمه



البنت الناعمه000

طبعا هذي البنت وهي نايمه في غرفتها الدبدوب والارنوب كلهم في احضانها وأذا قامت
من النوم ماتقوم الا الساعه وحده الظهر واللي تقعدها من النوم الشغاله وطبعا تكلمها بالانجليزي بترجم شنو قالت لها الشغاله00 تقول قومي ماما وقت واجد تأخير والناعمه
أول ماتصحى من النوم تفتح الستاره والشباك علشان الغرفه تتنفس وتشغل موسيقى رومنسيه علشان يكون الجو رايق وتأخذ حمام وبعد ماتطلع من الحمام على طوووو المرايه تحط من
هالكريمات لازم تحافظ على البشرة وبعد كذا تنزل تاكل الفطور اللي يكون عباره عن
دونت وعصير برتقال 0 ياعيني عليهااااا

البنت الدفشه000

تقوم الساعه 8 الصباح وهي ودها ماتقوم وتدخل امها عليها بالغرفه وتصرخ عليها قومي
ماشبعتي نوم ترد الدفشه على امها زين الحين بقعد وتقعد تتأفف ويطلع من فمها نار
(صارت ديناصور)هههههههههه بالاضافه الى انها وهي نايمه كل دقيقه تطيح من على السرير وبعدين يدخل عليها اخوها الصغير ويصرخ وجع يالله كفايه نووم ترد عليه اطلع من الغرفه والا ارميك من الشباك الحين (البنت تبي تستعرض عضلاتها)
المهم اخوها اللي اكبر منها يروح لها الغرفه يرفسها يالله على ذيك الرفسه ياأنها قويه
وبعد الرفسه العنيفه تصحى من النوم

نرجع الى البنت الناعمه
ماتتغدا الا الساعه 4 او 5 ولا تتغدى الا على سلطه واشياء خفيفه عشان تحافظ على رشاقتها

اما البنت الدفشه
تتغدى الساعه 12 بالضبظ ولا تتغدى الا كبسه وأذا خلصت من الغدى تشرب البيبسي شربه
وحده يعني مافي مجال انها تتنفس وماتسمع الا اصوات مخيفه

البنت الناعمه
طلعتها تكون بعد صلاة المغرب ماتطلع العصر تحافظ على البشره من ضوء الشمس

البنت الدفشه
تطلع الساعه 2 وقت ماتكون الشمس واقفه عموديه تروح مشي لبيت خوالها او بيت جيرانهم
لحد ماتنقلب سووووووووده

البنت الناعمه
تروح ستار بكس او اي كفايه وقبل لاتطلع تمر على الصالون تحط هذاك الميك أب

اما البنت الدفشه
تحط كحل يملا العين والروج تقول ماكله اليها بني أدم وأذا بتروح تروح السوق او سوق الحراج

البنت الناعمه
أذا تبي تضحك تقول هههه ويدها على فمها من الخجل والضحكه من الصعب انك
تسمعها

اما الدفشه
ههههههههههههههههههههههههههههههه00 والفريج الثاني يسمعها
حشى حاطه مكبر صوت في حلجها

البنت الناعمه
أذا تحب تسمع اغاني ماتسمع عربي ماتسمع الا ريكي مارتن طبعا لانه حلو وممثلها المفضل توم كروز لوسامته وميل جبسون وجيم كاري لخفة دمهم

اما البنت الدفشه
ممثلها المفضل بو هلال وعبد الناصر درويش ومطربها المفضل
خالد الملا ومزعل فرحان

البنت الناعمه
لما تتفرج على التلفزيون تقعد على الكرسي وتحط رجل على رجل وتبتسم لانه الابتسامه
تضفي بشاشه على الوجه

البنت الدفشه
تنبطح على الارض وتحط ر اسها على المخده وتمد رجلها وتحطها على التلفزيون
وأذا تبي تغير القناه دقت بصبع رجلها وغيرت القناه

البنت الناعمه
أذا تبي تحلم أحلام اليقظه طلعت في حديقة بيتهم وقعدت على الكرسي هزاز وقام الكرسي
يروح ويجي

اما الدفشه
تروح بالحوش وتمد السجاده اللي فيها مليوووووون لون وجابت كاس سته أمتار ومليان شاهي

الناعمه
في نهايه هالموضوع تقولكم تشااااو00أو سي يو00أو بايووووووووووو

الدفشه
في نهايه الموضوع تقولكم حياكم الله00 تأمرون على شي

[T a l a l]

.: Laila :.

مشكوووووره على الموضوع

و الفرق واضح خخخخخخخخخخ

دمتي بود

ذكرى قديمه

[عبير الورد]

ههههههههههههههههههااااااااااااي

تسلمين غلاتي Laila

على مشاركتك الحلوه

الله يعطيكِ العافيه يارب

تحيتي

[المنسي]

اختي
الله يعطيج العافية
تحياتي

[عديمه القلب]

هههههههههههههههههههههههههههههههههه
يعني انا بنت دفشه مواصفاتي كلها مع البنت الدفشه
انشاء الله اذا كنت بنت ناعمه بتغدى الساعه 4 او 5 العصر
وبحافظ على بشرتي و بسوي كل شي عشان اكون بنت ناعمه
وعلى قولتج في النهايه اتقول تشااااوأو سي يوأو بايووووو