طرخ ...طرااااااااااااخ ..أي أي أي ... أح .. أح <<< :3: :3: تكفح ولد جيرانهم .. :3:
لا تستغربون أنا من يوم أتولدت و أنا أحس أني ولد . أنا من يوم أنا صغيرة إذا افقدوني أهلي على طول يروحون لساس البيت الشرقي ..ويلقوني أتتن باقي قطوف السجاير أخذتها من الطفاية ..
كنت أتتن وأنا مغمضة عيون ما ودي أتذكر أخر سعابيل عليها و يا خوفي تكون سعابيل الوصخ الدحمي صقيق أبوي
حتى لبسي كله من تكاميل اخواني وبدلهم حتى كنادر الكورة حقتهم مزاحمتهم فيها .
القصة
في يوما مشمساً تداعب فيه أشعة الشمس نجوم الليل .. و في العاشر من شهر فبراير تموز دوت صرخة عمت أرجاء مستشفى الشميسي معلنة ولادتي هي في الحقيقه موب صرختي بالحالي انا لانه كان فيه تكرونيتين انولدن في نفس الوقت ...
مسكني الدكتور مع رجلي ورفعهن للأعلى وترك راسي تحت وهو يضرب على جسمي .. يلعن أمه من دكتور أوجعني من كثر الضرب ما قدرت أتحمل وسحبت الحبل السري ولزخت الدختور ألين عض الأرض .. و أحط رجلي على رقبته وأنا أقول له : يا ولد الكلب أن شفتك تدور عند باب بيتنا لعنت خير خيرك ...
<<< طراها أن اليهود يقولون أرضنا فلسطين .. على طاري فلسطين مدري ليش يبيعون برغبتهم الارض ثمن يجون يقولون الارض ارضنا ؟؟
مسكني أبوي مع يدي وقال نعبوا إبليسك هذا مستشفاهم مهوب بيتنا ,, مير اسحب يدي من يد أبوي وأقول له : أنت أبوي .قال :ايه يا حشاشة جوفي ..قلت له : أدفع لك كم وتنازل عني ..
بصراحة ما أعجبني أبوي حسيت أنه كمخة ولا يقدر يحميني من غدر الأيام << احلفي يا ظلال نانسي عجرم )) طراه ان الابوان هاليومين كديش ولا يعرفون يديرون دفة الحوار << حوار وإلا ذلول ))
أول مرة بحياتي أشوف الشمس وأنا طالعه من باب المستشفى .. قلت لأبوي : هذا بلغم ( كنت اقصد الشمس ) قال أبوي : يا بنتي هذي الشمس .. قلت مهيب طايحه على وجهي <<< طراها أن أمها تبلع البلغم ويطيح على رأسها وهي بطنها .. قال أبوي : لا مهيب طايحه
كنا نمشي في المواقف .. مير أشوف سيارة بي أم دبليو وأنا أجري باتجاهها وكان شعري يتلاعب بالهواء وجسمي يميل لليسار تارة ولليمين تارة من التدلع ... صاح أبي بصوت عال : يا ابنتي أين تروحين ؟؟ قلت له : أليس هذيك سيارتنا .. قال : لا .. قالت له : إذا أين ملبقها .. قال لي ( وهو يشر بيده ) : أنها تلك .. قالت : وبعد بنت فقر ... مير تركب أمي وراء وأنا اركب قدام ما بقي إلا أنا أركب وراء)) عايلة اجانب ))
شغل أبوي السيارة ومير هي تنتع وتطفي السيارة ..قالت له : يا غشيم ..
أبوي لقط وجهه وشغل السيارة من جديد ومشى بهدوء خوفا من أن تنتعا السيارة و وتطفو من جديدو وأضحكو عليه من جديدو <<< ثقافة فرنسية مغربية ههههه
وصلنا بيتنا في حارة حية سكانها زكرتيه .. طبعا المنزل متواضع لكن يعمه ألفه ورحمة لأن أبي إنسان طيب حتى وأن كان كمخة فهو طيب .. يعني ربك يأخذ حاجة يعطي شيء زين هههههههه
وبدأت الزيارات من عجز وحريم الحارة لأمي وأتن بالهدايا بمناسبة المولودة الجديد ( طبعا أنا المولدة الجديدة ) لكن لم تعجبني هداياهم يعني تحوم السبد من فستان ومن هيل هوب والأشياء هذي تحسسني بالتقزز ...
مير ارمقهن بعين وأنا بالمهاد وقلت لهن ما تشوفن الشنب خاط نبعوا إبليسكن..... قالت عجوز : طيب وشعرك الطويل يا حلوة ......قلت : عادي موضة وبعدين أنا ولد متشبه بنت ( يعني خكري ) عندك مانع يا عجوز قريح لا بوكن لا أبو من جمعكن يا بقايا إنسان انتن ...
مرت سنين وشهور وأيام وساعات وكبرت وطلع الربيع الذي شمسه استعمرت عشب الربيع وهبت هبايب الصيف من الشمال وصرت وحش الحارة والمسيطرة على قطة الحارة يعني الأيسكريم ثلاث لحسات لي ولحسة لكل ورع من ورعان الحارة .
اطلع من البيت حافية القدمين يعني ما البس نعال وشعري منفوش ولابسه صروال تكميلة الوزراة ذاك الاخضر وخطوطه بيضا والفنيله خضراء ومرسوم عليها سيفين ونخله وكتوب وزارة المعارف ..
وخذ تكفيخ بورعان الحارة .. كانوا يسموني الدبابة ما أمر شيء إلا اسحقه ,,,, ويا ويل الورعان إلي مهوب من حارتنا ويشربون من برادة المسجد .. كنت اطردهم والي ركضه مهوب سريع امسكه واقطع ملابسه وأعلقها على البرادة عشان يكون عبرة لغيره من ورعان الحارات المجاورة يعني انا ابو عنتر الحارة ومهجدتهم .
عشت بالحارة كأي طفل .. ما كنت أحس أني بنت أبد .. كان رمضان من أحسن شهور السنة ..وربي البنات مساكين إلي جالست ببيوتهن نصيحة دامكن صغار لعبن مع الاطفال أتركن عرايسكن واركضن وراء الكوره الله يلعنكن ..
برمضان كان نبني عشه بطرف بيتنا ونجتمع فيها ونشب فيها نار .. يا الله كان نلف قراطيس الاسمنت ونمزها ويطلع الدخان مع خشومنا وحنا نحضك قمة البراءة <<< مشروع عربجة
ومره من زود التتنيح لقينا قرطاسة اسمنت الشرقيه ونلفها زي العادة ونمزها لين دخنا وهي الي تمسك على سباحه ونقوم نتسدح في هالعشه كننا في الهاف مون ..
كبرنا شوي وصار قوامي يسمح بلعب الكورة .. ولعبت مع فريق الحارة ولأنني امتلك الشجاعة والقوة كنت أنا المدرب وإنا الكابتن وكنت الهداف يا ويل أحد ينفرد ويجب هدف لا زم ينتظرني ويمرر لي وأنا أجيب الأهداف ...
وكبرنا كمان شوي وصرت أشهر لاعب بحواري جنوب الرياض ..ما يدرون أني بنت لني صايرة(ن) شهبه والهبة وجهي ممخش من كثر المضاربات في الحارة كني من تكارنة سوق الكباري ذوليك الي مخططين وجيههم بشخوط تقل خايفين يضيعون ويعرفونهم بهالشخوط.
وقرر نادي الهلال يضمني له .....وافقت لأني كنت أتمنى ألعب بجوار يوسف الثنيان لأني أعتقد أنه يشبهني باللعانة ..
وانضمت لنادي الهلال ..وجلست أتدرب شهر وأخيرا لعبت أول مباراة لي مع نادي الهلال .. وفي الدقيقة الخامسة من بداية المباراة في الوقت ضايع مرر لي يوسف كره عرضية وطرت بالسماء ودبلتها دبل كيك وشبكتها بالثمانيات ..
ومير اركض واللاعبين يركضون خلفي وأنا افر فيهم فر ......الجمهور استهجن وقال وقف لهم خليهم يباركون لك يا مغرور ..
وأنا أقول كيف رجل يبارك لمراة ومير اطلع من المعلب وعلي بيت أهلي وركض مع شوارع الرياض الخبول اللاعبين نسوا المباراة واطلعوا خلفي وخذ تسحيب باللاعبين مع خريص :1:
ألين وصلت بيتنا وسكرت الباب وقررت ألبس عباءة أحسن لي وابرك من التسكع بشوارع الحارة:8:
منقووووووووووووووووووول
تحيتي
:4:
سكبني
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 2
العرض العادي
