|
|
|
|||||||
| الملاحظات |
التسجيل السريع مُتاح |
|||||
|
مرحباً بك في منتديات محتاج , يمكنك زيارة كافة الأقسام في المنتدى وقرائة جميع
المواضيع وتحميل المرفقات بدون تسجيل , لا يتطلب منك التسجيل إلا عند رغبتك في
مشاركة الأعضاء بمواضيعهم والرد عليهم ولمعرفة
المزيد من المعلومات حول نظام المنتدى وطبيعة عمله وقوانينه أضغط هنا |
 |
|
|
أدوات الموضوع | إبحث في الموضوع | انواع عرض الموضوع |
|
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 1
02-06-2007, 08:15 AM
|
||||
|
||||
لو البنات مكان الشباب........
لو البنات مكان الشباب شوفو وشلون يخطبون :يكرهوووو
******* يعني تتفاجأ في يوم وأنت قاعد تقرأ كتاب رومانسي و مشغل أغنية رايقة و سرحان في حبيبة مجهولة , الا و أمك داخلة عليك و توها جاية من الاستراحة و تقولك: يا ولدي ودي أكلمك في موضوع. ترد أنت بكل خوف : خير يمه؟ تقول أمك: ترى جارتنا أم خالد تبي تخطبك لبنتها. وأنت ما شاء الله كبرت و احلويت وكلن يبيك. ها وش رايك؟ ثم تنزل أنت راسك في الأرض و تلعب باصبعك في شعرك (أو شنبك) و ترد و أنت مستحي و خدودك حمرة (هذا إذا كنت محلق اللحية) و تقول: الشور شورك يا يمه إهئ إهئ تقول أمك: أنا بصراحة ما أشوف في البنت شي. ما شاء الله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف السفر و الخربطة و ما تشرب خمر و لا تروح لاستراحات البنات. يعني بنت ما عليها. تقول أنت : بس يا يمه هي ما شافتني من أول. أنا دايما متلثم بشماغي تقول أمك: هي شافتك و أنت نازل من باص المدرسة بس و سألت عنك و قالوا لها خوش ولد ماهوب راعي سوق و كوفي شوب و ما يطلع الا مع ابوه. و تراها هي و أمها جاين يوم الخميس علشان يشوفونك. تسال أنت: اوكي يمه ابوي شرايه تقول أمك: أبوك ما يدري خليه حايس في المطبخ يحضر عشا. تقول أنت :اللي تشوفينه يمه. وتطلع أمك من الغرفة وتنط أنت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع و تقول : اه اخيرا حست و خطبتني. و قبل يوم الخميس تروح أنت لكوافيير رجالي و تكون مسوي حجز و تقعد و تصبغ شعرك (ميش) و تحف حواجبك و تشيل شعر يدك و رجلك بحلاوة و تطلع زي فلقة القمر وتجي البيت و تلبس الثوب اللي فصلته عند المصمم( عبده شولق) لثياب الأعراس و الحفلات واللي فيه فتحة من عند الساق و فتحه في الظهر و بدون اكمام و ذاك المكياج وذاك العطر و تنزل للصالة ويقولك أبوك : يالله دخل العصير على خطيبتك ترى أمك ذبحتنا تسال عنك تقول أنت بكل خجل: واي واي يا يبه أنا استحي أبوك يقولك وهو يطق على كتفك و يضحك يا ولد روح لعروسك إهئ إهئ تقول أنت: يا يبه دايما تحرجني أنت واي واي و تاخذ صينية العصير و تخش المجلس اللي فيه البنت و تقول بصوت ناعم: احم احم الس سسسلام عليكم(صاير حكيم على غفلة) ترد هي بعد ما وقفت و عليكم السلام ( و هي تناظر فيك و في كل قطعة فيك) و تقولها تفضلي تقول هي: وش الاحلى العصير الاحمر و لا الأصفر؟ بزعمها تبي تلطف الجو معك تقول أنت: كله حلو تقول هي: أكيد كله حلو لانك أنت اللي مسويه ثم تحط الصينية بسرعة و يدك على فمك و تضحك و تروح داخل بسرعة الا إخوانك يستنونك و يقولون: ها وشلون شكلها تقول أنت: واي واي تهبل تهبل حلوة و دمها خفيف و ذوق اهههههه الا أبوك من المطبخ (يزغرط بالمصري) لللللللوووولللللوووووشششششششش مبروك يا ولدي الا بدخلة أختك العربجية من بره و حاطه عبايتها على كتفها و معلقة السجارة في فمها و تقول : خير وش فيه يقوله أبوك : قصري صوتك في وحده داخل خطبت أخوك تقول أختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن أمها اللي جايه تخطب اخوي إلا بدخلة أمك و تضرب أختك كف و تطلع أختك بالسيارة و تشفط و تروح للاستراحة البنات . :: و تمر الأيام و أنت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول إنها تمسك أيدك و أنت مستحي ( ومن هناك ودك و بتموت) و يجي يوم العرس و تقعد أنت في الكوشة و كل الشباب حوالينك يرقصون و يغنون على أنغام طيران فرقة الشاطئ للرجال وشوي الا العفسة قايمة : ترى العروس جايه و ينطون الرجال و الشباب كلن يلبس شماغه و يتلثم و تدخل العروس مع أمها و أخواتها (أخواتها يتمخترون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ثم تلف وجهك وأنت مستحي و يتم الزواج و بعد تسعة شهور الا أنت تصرخ في الليل فيك الطلق و يودونك المستشفى و تولد و تجيب توأم وتطلع من المستشفى إلى بيت اهلك علشان ينفسك أبوك ( النفاس 40 يوم) و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك و ترجع لبيتك تربي عيالك و تطبخ الغدا لزوجتك وتتخانقون ساعات و تنام و دمعتك على شنبك ويزيد حدة الخلاف و تاخذ شماغك و عيالك و تروح لبيت اهلك و تصلح أمك ما بينكم و ترجع الحياة مثل أول. ها شرايكم في تبادل الادواررررررررررر منقول..................................... 
|
|
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 2
02-06-2007, 12:55 PM
|
||||
|
||||
|
هههههههههههههههههههههههههه
هههههههههههههههههههههههه حلوووووووووووووه ويعطيك الف عافيه اخوي ولاتحرمنا من جديدك
|
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لغة الشباب مع البنات | نور الايمان | نكت - ضحك | 25 | 10-03-2008 03:02 AM |
| هجوم البنات على الشباب ورد الشباب على البنات | ابودانـــه | نكت - ضحك | 3 | 07-18-2008 05:39 AM |
| فقش الشباب على البنات | No limited | نكت - ضحك | 22 | 06-30-2008 10:37 AM |
| حركات الشباب على البنات | السورية | الأرشيف | 1 | 09-05-2007 04:45 PM |
| اكاذيب الشباب على البنات | أنا اللي محتاجه | المنتدى العام | 19 | 02-10-2007 12:30 AM |
 |
 |
العرض العادي
