زوجــتـــي عــربــجـــيـــه... وش الحــل؟!

[الهندي]

كنت جالس بمكتبي ودخل عليّ واحد من الاصدقاء المقربين

قال يا المهاجر ودي اشكي لك

قلت سم كلي لك وصدري مفتوح لك

امممممممممم والله مدري وش اقول بس بأقولها وانت تفهمها..... زوجتي عربجيه

هاه .. وش تقول؟!

أقول لك زوجتي عربجيه وتفتقد شي اسمه انوثه ونعومه!!

حشا متزوج كربه انت مهوب حرمه

والله انك جبتها هذا اقرب وصف لها.. تصدق من خشونتها وعرجبتها احس اني جالس مع رجال مو انثى

تصرفاتها غريبه... اكلمها برومانسيه ترد علي بعبارات غريبه

مرّه قلت لها مساء الورد حياتي مير تطالعني بعين وتقول ( اغدي دهنه)

لا جيت من العمل القاها تتفرج على الفيديو افلام تفحيط سيارات أو مباريات مصارعه حره

تحب التفحيط... تحب تسمع الفن الشعبي وتموت بشي اسمه عزازي وبشير شنان...

مير تطلع عيوني قلت انت صادق والا تمزح؟

طيب كمل وعلمني زود عن الرجال اللي انت متزوجه

قال وش اقول ووش اخلي

دايم تلبس ملابس كوره والا تلثم بشماغ وترقص على اغاني عزازي

واذا شافتني مولع سيجاره تقرب وتشم بقوه وتقول اتنثر واروح هوى مع هالريحه

اذا طلعنا للبر مع الاهل ونقرب للمخيم تقرب يمي وتضغط على البوري بقوه وتصارخ ويا حوول يا البزارين بالبر مالهم فرصه يلعبوون بالدباب مسيطره عليه تلعب فيه كل الوقت وتطعس وتموت بالسيارات اللي نوع جيب ربع والا جيب شاص

لو نكون بالسوق وأحد طالعنا بعين صدفه يعني مو قاصد تقعد تطالعه وتصرخ فيه وش تناظر يا الثور

اما بالفراش حدث ولا حرج كني نايم مع ولد مو بنت تنام وهي حاطه رجل على رجل احيانا واحيانا تنام بملابسها كامله

والله اني خايف يا المهاجر على عيالي لا يطلعون عرابجه على امهم

قلت له بسألك سؤال

كيف كانت طفولتها يعني كم عدد اخوانها وخواتها

قال ما لها الا ثلاث اخوة ومالها اخوات

قلت اذا عرف السبب بطل العجب

زوجتك عاشت مع عيال وتربت على تصرفات العيال لذا تركت النعومه على جنب واخذت تصرفات التماسيح اخوانها اللي يبدو انهم كانوا منفلتين وراعين بر او بمعنى اصح عرابجه

وهذا كبر معها لذا تشبعت من تصرفاتهم وصارت تحس نفسها واحد منهم

قال وش الحل

قلت انا ما راح اعطيك الحل ورأيي

انا ابعرض حالة زوجتك على اعضاء وعضوات المنتدى واشوف رأيهم بزوجتك المسترجله والحلول لاستعادة انوثتها المفقوده وان شاء الله بيكون هناك ردود تفيدك مع صديقك اللي بالبيت


منقول

نقلته ابي اشوف ارائكم

تحياتي

[حـــطــــمــــوك ...,,..]

هههههههههههههههههههههههه صج شر البليه مايضحك
معقوله تسمع بشير شنان هههههههههه وش تبيني اقول هاذي مافيها طب
بس خل رجال يفرك اذنها شوي وهي تمشي صح
والله لايحرمنى منك ومن كتاباتك

[الدلع]

أنا معك الهندي المرأة المسترجلة شئ غير مستحب

المرأة أجمل ما فيها رقتها و عذوبتها

و إذا الرجل وجد رجل مثله فما حاجته له !!!!!!

إن الحياة كي تستمر يجب ان يكون رجل و إمرأة ليكملوا بعض و يصلوا إلي إشاعة

الإستقرار و التناغم و لكن لو كانا الطرفيت من نوع واحد يحدث تنافر و تناحر

فلذلك يجب أن تكون المرأة مرأة و الرجل رجل لا تبديل في الأدوار
صدقني المرأه بداخلها غريزة الأنوثة الجامحة ولكن صديقك لم يستطع الوصول لأعماق انوثتها
ويقولون الزمن كفيل بالتغييييير
ومشكوررررررر اخوي الهندي
تحياتي

[اشراقة أمل]

أنا مع دلع في كل كلمه ..

ولو أني مكانه كان طلقتها .. لان مستحيل الرجال يعيش مع وحده كذا لان الأنثى بدون رقه ونعومه ودلع مو أنثى ..

والرجل ما يحب المرأه الا اذا كانت دلوعه ونعومه ورومانسيه .. مو عربجيه ..

وياكثر المسترجلات في هالزمن .. وياليت اخوانها يكون اولاد بس عشان نقول متاثر فيهم لا يكونو اولاد وبنات..


ومشكوور اخوي الهندي على الموضوع .. والله لا يحرمنا من ابداعاتك

تحياتي ..

[الينابيع]

هاهاهاهاهاهاهاي
بصراحه الموضوع فله
000000000000
براي انا مستحيل ارضى اخذ اواعيش مع واحد
ماهو رجل مشهود له او خكري
كان امداني اموووت وهو لسه مو داري عني
بس بنسبه للرجال هذا وامرته العربجيه " الله يعينه ويعين امثاله "
يحاول يغيرها 00
يعني يخليها تغار عليه او يكلم احد تاخذ منه
اخوانها او خوات الرجل نفسه
وممكن اهو يكلمها بصراحه بعد مايمهد للموضوع
باساليب متنوعه "هدايا - اغاني "
"صيد الذبان بالعسل مو بالخل "
وممكن في اسلوب اللي هو الوهم يعني يوهمها انها
ناعمه وانا رقيقه وضحكتها تغريد عصافير
يعني يعطيها من الرخيص وياخذ من الغالي
لان والله الحريم اللي كذا مسكينات مايدرين
وش الطبخه 00
وبصراحه هذي الاساليب فعاله مرره وقد جربتها
مرره مع البنات العرابجه
ومشكور ع الموضوع واعذرني ع التطويل