 |
| |
|
 |  |  |
 |
 |
 | | |
| |||||||
| الملاحظات |
التسجيل السريع مُتاح | |||||
| مرحباً بك في منتديات محتاج , يمكنك زيارة كافة الأقسام في المنتدى وقرائة جميع
المواضيع وتحميل المرفقات بدون تسجيل , لا يتطلب منك التسجيل إلا عند رغبتك في
مشاركة الأعضاء بمواضيعهم والرد عليهم ولمعرفة
المزيد من المعلومات حول نظام المنتدى وطبيعة عمله وقوانينه أضغط هنا |
 |
| | أدوات الموضوع | إبحث في الموضوع | انواع عرض الموضوع |
|
{[ سبحانـ الله وبحمدهـ عدد خلقه ورضا نفسه وزنة عرشه ومداد كلماته ]} 1
04-08-2007, 08:02 PM
| |||||||||
| |||||||||
| محمود مختار بشرا ( نزف قلم : محمد سنجر ) ( انطلقت مسرعا أبحث عن أستاذي ( دكتور : علوي ) استوقفني زميلي ( عرفه ) : خير ؟ فيه إيه ؟رايح فين ؟ : أهلا ( عرفه ) ، ما شفتش دكتور علوي ؟ : آه لسه كنت معاه في الجنينة ، فيه حاجة و الا إيه ؟ : لأ ما فيش ، أنا رايح له ( انطلقت بينما لاحقني صوت ( عرفه) : خير يا سنجر عاوزه ليه ؟ ( رددت دون أن ألتفت ) : لما أرجع ها قولك ( نزلت تتلاحق أقدامي إلى الحديقة وجدته يتوسط بعض الزملاء يحدثهم عن ( محمود مختار) :محمود مختار أحد المثالين الفراعين الذين فروا من زمن الفراعنة إلى عصرنا الحاضر محمود مختار يعتبر آخر النحاتين المحترمين أفضل نحات في العالم العربي و الإسلامي بل و العالم أجمع فلقد كان ينحت على الجرانيت مباشرة مثلما كان يفعل زملائه من المثالين الفراعين ( لفت انتباه وقوفي) : أيوه يا بني ، فيه حاجة ؟ : أيوه يا دكتور فيه تمثال من تماثيل محمود مختار فيه حاجة غلط : نعم نعم ، بتقول إيه إيه إيه ؟ سمعني كده ( أدخل إصبعه في أذنه يهزه و كأنه يحاول تنظيفها ليسمع جيدا ما أقول ) : قول تاني كده : حضرتك فيه غلط في أحد التماثيل العظيمة لحضرة الفنان العظيم محمود باشا مختار : و بتكررها تاني في وشي ؟ إنت اتجننت و الا إيه ؟ : لا يا دكتور و الله بس فيه تمثال هنا بالمتحف معمول غلط : لا دا إنت بقى مجنون رسمي ، بقى إنت يا فسل يا بتاع إعدادي بتغلط محمود مختـــار ؟ محمود مختــــــار ؟ ما عادش غيرك إنت ياللي لسه طالع م البيضة تغلط محمود مختار ؟ صحيح يا ولاد ، اللي اختشوا ماتوا : يا دكتور ..... ، طيب تعالى حضرتك معايا و شوف ( أخذته و ذهبنا إلى حيث يوجد تمثال ( مناجاة ) : شوف حضرتك الرجل اللي قاعد ده المفروض صباع رجله الشمال الكبير يبقى للداخل و إلا للخارج ؟ : للداخل الأصابع الكبرى لأي قدم المفروض تكون للداخل الأصابع الصغرى هيا اللي بتبقى للخارج : طيب شوف بقى حضرتك عامل صباع رجله الكبير للقدم اليسرى أهو للخارج : إزاي بس ؟ يا بني ده (محمود مختـــــــــــــار ) : أيوه محمود مختار ده مش بشر برضه ؟ : أيوه بشر بس ده (محمود مختار ) ،عارف يعني إيه محمود مختار ؟ إنت بس تلاقيك مانتاش فاهم : يا دكتور أنا بكلم حضرتك قدام التمثال أهو شوف حضرتك و احكم ( رحل الدكتور علوي دون أن يلتفت لكنه أخذ يردد ) : قال اكتشف غلط لمحمود مختار قال ده اتجنن ده و الا إيه ؟ ( عندما وصل إلى باب القاعة التفت ينبهني ) : إياك أسمع الكلام الفاضي ده تاني منك أو من أي حد من زمايلك و إلا هتعرف شغلك (خرج من القاعة بينما أخذت أضرب كفا بكف أتساءل ) :أليس محمود مختار بشرا يا عالم يصيب و يخطئ؟ لا حول و لا قوة إلا بالله العلي العظيم  |
|
| أدوات الموضوع | إبحث في الموضوع |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| وطـــــــــــــن ( نزف قلم : محمد سنجر ) | محمد سنجر | خواطر شعرية - عذب الكلام | 0 | 02-02-2008 06:45 AM |
| أطلال ( نزف قلم : محمد سنجر ) | محمد سنجر | المنتدى العام | 1 | 08-26-2007 04:53 PM |
| ما بين هذا و ذاك ( نزف قلم : محمد سنجر ) | محمد سنجر | المنتدى العام | 0 | 07-06-2007 06:35 PM |
| عمر سنجر (نزف قلم:محمد سنجر) | محمد سنجر | المنتدى العام | 0 | 12-23-2006 10:47 AM |
 |  |
العرض العادي
