حوار ساخن بين الشباب والبنات .. ابي تفاعلكم عشان نطلع بنتيجه

[ندوري]

صحيح بعض الشباب ما يتحمل مسئولية نفسه
تلقيه مسوي فيها رجل وهو ياخذ مصروفه من ابوه
وامه اللي تصحيه واخته تجهز ملابسه
وإذا خربت سيارته يروح ابوه الورشة يصلحها له وسائق البيت يوصله لمدرسته أو جامعته
كيف بيتحمل مسئولية؟

كان عندنا في البيت 3 شغالات واحنا صغار لكن اتعلمنا كيف نغسل ملابسنا على يدنا
وكيف ننشرها وكيف نقلي بطاطس وكيف نسوي ساندوتشات----اصحابنا كانوا يتمصخرون علينا

ولازم يوم في الاسبوع كل واحده يرتب غرفته بنفسه ولا بينحرم من الخروج
اتعلمنا نسوي كل شيء لدرجة ان تجبرنا الوالدة ننظف الحديقة ونغسيل سيارات البيت

الحين هي تقول
انها كانت تجهز البنت لبيت زوجها والولد تجهزه انه يحس بزوجته فيساعدها
بالاضافة الى انها تجهزنا لو اختلف الحال وقلت النعمه وعلشان نتحمل مسئولة كل شيء

انا اليوم احمد ربي اني ما اعتمد على احد باي شيء احتاجه
وافتخر اني متحمل مسئولية نفسي واهلي والجيران كمان
أنا أدرس وأدور على وظيفة وما آخذ مصروف من أحد وحتى الوظيفة مااحد بيساعدني وأنا ادور عليها رغم انه سهل يلقوا لي أحسن وظيفة

مااتعودت اقول يابابا اعمل لي او يا ماما سوي لي واشوف عيب اني اطلب احد يساعدني بشيء
والحمدلله انا سعيد رغم ان المسئولية متعبة