..//.. شــي غريــب ..//..

[المنسي]

..السـلام عليكم والرحمه ..





============================================


شي غريب.. بنتين واقفات في المركز ويظحكن ويتمايعن ومن شكلهم مواطنات وتستغرب اكثر انهم


هم اللي يتحرشن ويسون حركات للخلق وللشباب ... ويوم اتعرف انهم مب اماراتيات تنصدم ..(( تشويه لبنات الامارات))
نحن مب محتاييين تشويه لسمعتنا اكثر من اللي عدنا .. مادري ليش مايطبق هالقرار ان محد يلبس الزي الاماراتي غير الخليجييين فقط .. واللي بيلبس يلتزم في لبسنا الاصلي (( مب عباه بدون وقايه والشعر ظاهر ))


=============================================


شي غريب .. انك اتشوف في هالزمن ريال كاااشخ من قمته لين ريله والعطر واااصل والسياره الفخمه والموبايل


اليديد والعين اللي ادور وادووور جنها عنزه ضايعه ومناك اتحصله حافي منتف ... ماعنده بيزات حق عشاه
ويشحت من ربعه


==============================================


شي غريب.. شباب يالسين مع بعض وماخلووو بنت الا مافضحوووها ويرمسون في اعراض الناس وهم مب متاكدين من كلامهم والا بس رمسه وضحك


جنه هم الشرفا وبنات الخلق اللي فيهم ... وايي واحد ثاني ويرمس عن بنت وتظهر اخت واحد فيهم ..


================================================


شي غريب .. ريال عايش وي عايلته اكثر من 40 والا 30 سنه وعيال عاشووو في الامارات واتربووو فيها


واستوت بلدهم وعياله وصلووو ال 17 والا ال 20 وماقدرووو يحصلون الجواااز ولا الجنسيه
وهذا اذا حصلووو الجواز مابيحصلون الجنسيه الا اذا استوت معجزه.. بس اذا يئ مطرب مشهور والا اي كان والا
وحده عندها بزنسس حصلت الجواز والجنسيه واستوت منا وفينا وفوق هذا محصله فله وسياره واشياء كثيره ..


================================================


شي غريب .. بنات جامعيات قزرووو حياتهم كلها بالدراسه اللي 7 سنين والا اللي 4 او 5 سنين


وعقب ماتتخرج ماتلقىى شغل شاغر ... واذا يتكم وحده عندها واسطه عمها والا ابوها يعرف فلان الفلاني
على طول اتعينت رئيسة قسم وماعندها شهاده شرات الجامعيه ..


=================================================


شي غريب .. ان هذي الايام ماتحصل حد وفي والكل يركض ورا مصلحته .. واذا لهم مصلحه معاك كانوو معاك


مثل العسل واذا لا مايعرفونك والا يسوون عمارهم مايعرفووونك
================================================


شي غريب.. انك تقرا في الجرايد جرايم قتل (( حرمة جتلت زوجها سبة الخيانه)) والا (( خادمة قتلت بنت ماكملت سنتين))


وين الاهتمام والرعايه مادري وين الاسلام والدين مادري..
================================================



شي غريب .. بنات ماكملوو ال 14 او 12 يعرفون سوالف احنا بعمارهم ما كنا انعرفها وعندهم موبايلات ويعرفون فلان العلاني وفلان بن فلان واحنا بكبرهم كنا نلعب باربي واهتماماتنا بدراستنا والا اللعب في الفرجان.








=================================================







شي غريب .. يوم تشترك في منتدى واتكمل فيه وااااااايد واتحس انك منه وفيه وجنك بين عايلتك بس محد تذكرك واستويت في طي النسيان واتيك وحده ماكملت شهر والا اسبوعين اصبحت مشرفه على كم قسم او نايبة المدير كيف الله واعلم .. والا اييك واحد ماكمل يومين واستوا مشرف ليييش حتى في المنتدى واسطات؟؟!! طبعن موا قصد منتديات محتاج لها


(( الواسطه طلعت مرض مب بس برع حتى على الكمبيوتر ))


================================================== =








والسموووووووحه على اي قصوور وعلى اي كلمه يمكن اتكون قويه ..


وانا بنتظار ردودكم ومناقشاتكم اذا كلامي صح والا غلط

[بنت_دبي]

دنيا ملينا عجاايب فيها كم فيها غرااايب

بالنسبه لسالفة البناات الي يسون أعمارهن مواااطنا ااه شقا يقهرن

بس اترا تنباان الموااطنه من غيرهااا وهيولا امبين عليهن شوو يقصدن من هالحركه

يدوورن في السنااتر بالعبااه والشيل وحالتهن حاله وهم منااك ( زلا ماات على قولتهم ))

وبالنسبه لموضووع الجاامعيااات ااها ( جبتهااااااااااااااااااا على الجرح ))) والله اذا مااا عندك

(وااااااااااوو)) مااتنفع بيزه سير ااحتفظ بالشهااده في بروااز

بااجي الرمسه الي قلتها تنطبق على الوااقع لو بيلس اعلق مب خالصه

مشكووور أخوي

دنيااا ملينا عجاااايب

[المنسي]

تسلمين اختي بنت دبي


علي رد الحلو

تحياتي

[المنسي]

تسلمين اختي قشر برتقال على رد

تحياتي

[عبير الورد]

أشياء عجيبه فعلاً

تسلم اخوي المنسي

على مشاركتك الرائعه

ربي يعطيك العافيه

تحيتي