"سالفه صارتلي وكتبتها لازم تقرونها "

[حـــطــــمــــوك ...,,..]

"سالفه صارتلي وكتبتها لازم تقرونها "







هذه القصة ليست من نسج الخيال بل واقع حصل لي

حتى الشخصيات صدزيه = صدقيه

<< صريح جدا الاخ



المقدمه :

بعد القصة هاذي الي صارتلي اكتشفت ان بنات لبنان

مالهن اي دااعي خلاص اطلعن من حيااتي.. لايكثر

مايسوون شي عند بناتنا..

وأنا بعرف شي واحد بس ليش اغلب الناس منهبلين على

بنات لبنان وقناة الخليجيه كأن مافيه احلى منهم وان بناتنا قبيحات

(وعات)<< مايمديكم عال يااااي

لعلمك يابابا يالي تقول كذا . . ترا مافيه احلى من بنات السعوديه

والله أكتشفت ان بنات السعوديه جميلات توني ادري صراحة

لا ويهبلون بعد وبدون مكياج او بويه

والله يحقلي بعد الي شفته بعيوني ماشفتو الي شفته ولا كان عذرتوني..

السالفه ومافيها بقولكم اياها من اولها وبالتفصيل الممل بعد..



(الزبدة)



سلمكم الله بأول ايام الدراسة كنت رايح للحي الي فيه المدرسه الساعة تقريبا 7

الصبح.. خويي سلطان كان غايب أي غايب الاعاط من من المدرسه..

وقال تعال عندي نقضي وقت شوي..

بيني وبينكم انا كنت مواااصل ومالي خلق اداوم وذابحني الطفش

قلت ياولد اروح لسلطانوه اجلس عنده شوي. << امه بتلعن جدفه

لو قرت ذا البلوق

المهم جيت انا لبيتهم

وكان فيه مدرسة بنات حكوميه قدام بيتهم ابد الباب بالباب.

وأنا أرن الجرس حق بيت سلطان الاويوقف جمس

ونزل منه 4 بنات وحده جتني وقالت تكفا خذ الرقم والثانيه قالتلي

انت ياعسل عطنا وجه جيت وقلتلهم:

استحوا على وجيهكم ياقليليليلين الادب عمى...

ههههههههههههههه لاأمزح والله لو أني .............

لاصدق نزلو 4 بنات من جمس ووحده طالعت فيني وضحكت

عاااد يالله ولد وضحكتله بنت .. حلللللوها طبعا انا مسيو فيها

يعنني ما خقيت تعرفون انا ابو الثقل

كذا جلست متنح اطالع البنات...أأأأأأأأأ... أحم قصدي المدرسة

وأقول بنفسي لو انهم سامحين بالاختلاط عندنا وش بيصير؟؟؟

المهم ونا واقف قدام سيارتي (مفهي) .. يعني فاتح فمي

الاوسلطان خويي يفتح باب بيتهم ويقطع حلمي بكف....

(عااادي لاتستغربون مزح عيال كذا مزحنا )

ياااحيوان ليش تأخرت؟؟؟ يقوللي سلطان..

المهم طالعت بوجهه وقلت يلعن ام الفرق بين وجهك

والوجه الي شفته قبل شوي قالي سلطان وهو يتمصخر

ليه شفت نانسي أقول امش ادخل

لايشوفك فراش المدرسه يحسبك جاي تغازل..

قلتله انا وذا يعني ... أنا فيصل ماخاف من احد

بيني وبينكم سلطان قد انفرش قدام البوابه كم مره

من الفراش لأسباب يحتفظ بها كاتب الروايه

(والله لو يقرا سلطان البلوق ذا ان يتوطى ببطني) الا والله راح يقراه لانه موجود بس بنزلها بنزلها قصب

بس الحمدلله انه يدربيها بالنت وما يعرف شي.. خخخخخخخ

دخلنا انا وسلطان بيتهم وجلسنا بالملحق وكان فيه فراس ولد

حارتهم المهم جلسنا ومسكت معنا نلعب أونو ..

ويالله عاااد تجمعو سليطين + فراس + فيصل

اكبر ثلاثه غشاشين بالسعوديه بالأونو انواع الغش ...

فراس كل شوي مطلع تسحيبات وسلطان بدال ماينزل ورقه

ينزل ثلاث ورقات مع بعض .... وأنا هههههههههه

دبشه ماعرف أغش كل ماحاولت أغش كشفووووني

وسحبووني 10 .. أكره اللعب معهم ههههههههه

تصدقون من قوة الغش قعدنا ساعة ونص على لعبه وحده

عيت لا تنتهي اللعبه.. المهم بعد ضحك واستهبال

مـل فراس وصكها نومه وسحب علي انا وسلطان ...

اقترحت على سلطان بما أني ميت جوع نلعب كوورة

بالبلاي ستيشن والمهزوم يروح يجيب فطور قال سلطان اوكي..

شغلنا التلفزيون وحطينا الصوت على قناة ميلودي والصوره

على البلايستيشن <<< حركات صح...

قعدنا نلعب كوره وبنفس الوقت نسمع الاغاني بقناة ميلووودي

وتجي أغنية داالي واتحمس واستنزل وتطلع الحرفنه

وبما اني اكسر راس سلطان بالكووورة دايما فزت عليه..

وقام ابو الشباب عشان بيروح يجيب لي فطوور

وذاك الدلخ فراس نايم بالزاوية ماطق لنا خبر .. مدري شلون نام

مع الازعاج والحمااس ههههههه..

المهم طلع سلطان بالحوش عشان بيشغل سيارته.. ذا الطعس

(معه كابرس اس اس يلعن ام القهر ونا مواستنج ومستانس سيارتي كشف مالت علي..)

شوي ونا اقلب بجواالي اسوي سيرتش بلوتوث ماتدرون

يمكن نلقط شي من هنا ولا من هناك

الا وسلطان دخل بسرعه وصك البااب بقووه

ووجه متغير .. ؟؟؟؟؟؟!!!!!!!!!





يااااااااااااااااااااللهول ؟؟





انا انهبلت قلت سلطان وش فيك؟ قالي فيصل منت مصدق لو

اقولك وش شفت بحوشنا.. انا صراحة خفت قلت ايوا فيه

حرميه برشاشاتهم يحتروننا برا بدق على ناين ون ون قالي اي

حرميه واي زفت .. قلت هاه وش فيه لحست مخي قال تعااال شف

المهم طلعت بالحوش عند الباااب و.....













الحوش مليااااااااااااان بناااااااااااات لا وبدون عبااايات وبمراييل المدرسة

وكل وحده مااشالله احلى من الثانيه تقريبا 43 بنت بحوشهم





(مغمى عليه)

سلطااااان فيصل









اطلقت انا صرخه مدوويه مدري من وين طلعت اقرب وصف لها

كنها صوت عجوز شافت فار كبر الدجاجه



قولكم بنات بناااااات انوااع البنات انا صراحه انطرمت وبغت تجيني

سكته قلبيه وسلطان الدبشه قاعد يعدهم .... ولو تشوفون اشكالنا كشخه

انا لابس برمودا وفنيله علاقي وسلطان لابس بجامه وفنيله داخليه وشعره

محيوس تقول ماسك سلك و متكهرب وانا عيوني حمرا من السهر

شافو اشكالنا البنات وخرطوووها علينا ضحك ....

قسم بالله تقولون

اننا بساحة مدرسه مو بحوش الي جالسة تبكي والي معها كتبها

والي جالسين فوق سيارة سلطان والي جالسين بالزرع والي يضحكون

باخر الحوش وش الساااالفه؟؟ عااد انا ملقوووف رحت انا وسلطان عند

شلة البنات الي جالسين على سيارته لانهم باين عليهم انهم (زاحفات)

بيني وبينكم هم الي ضحكو علينا وعطونا وجه جيت وقلتلهم ..

وش السالفه سلااامات وش عندكم ببيتنا قصدي بيته؟؟

جاوبت وحده منهم وقالت ابد المدرسه شبت فيها حريقه وشافو

المدرسات باب بيتكم مفتووح ودخلونا عشان ماعندنا عبااايات واللي

عندهم عبااايات خلوهم بالشارع ... قلت انا اهااا ...

ما أمداني انا بعطيها رقمي... أأأأأأ.. احم ..

قصدي بقول الحمدلله عالسلامه

ألا وسمع صوت ينااادي... فيصلوووووووووه.. سليطيييييين؟؟!!

والتفت الا وام سلطان ( مقبـلـتـن) يعني جايتنا لابسه جلال صلاة

ومعها مكنسة ماتستحون على وجيهكم جالسين عند بنات الناس

طبعا حنا حطينا رجولنا وأنحشنا مع بااااب السواااق ... لحظه؟؟؟

نسينا فراس.. ونرجع ونصفقه لين قاااام وطلعناه طبعا هو من النوع

اللي اذا قام من النوم صار سكراااان.. وحنا طالعين

الاوتسلم عليه وحده...قاال هلاهلا وعليكم السلام.... هاه

ههههههه لاأمزح تخيلو وين عايشين؟؟سحبناه من الملحق وشاف

البنات وقال فكووووني مابي ارووح معكم المهم ابلشنا و خليناه

وركبت انا وسلطان سيارتي ونا بوسط السياره قلت لسلطان

مالها داعي فراس خليناه بالحوش.. قالي لا تخاف..

احسبله نص دقيقه وهو جايك يركض وفعلا ماكمل كلامه سلطان

الاوفراس جاي ماشي مليووون اثاري ام سلطان (مجربعته بالحوش)

يعني تلاحقه وركب السياااره ودزينااا... رحنا نفطر ببوفيه

ثم طلعنا نطرد تفحيط ههههههه ...



،،،،،،،،،،،،،،،،،



عاااد انا واخوياي تغيرت نظرتنا صرااااحه كنا نقول ان البنت السعوديه

قبيحه بس الي شفناه والله شاهد علينا غيرنظرتنا..



يالله عاد كبرت بروسهم ذا البنات







في النهايه:

أتمنى أنكم تحسون بقيمة بناتنا ياعيال ترا مافيه احسن من بنت السعودية

ونتم يابناتنا ترا والله حابينكم بأشكالكم الطبيعيه لاتقلدون ذا البنانيات

والله ذكريااااااااااااااااااااااااااااات حلوووووووووووووه ليتها ترجع الايام وراء

توته توته خلصت الحتوته حلوه ولا فتفوته

[محتآجهـ حنآنكـ]

الله يقطع ابليسك يافيصل والله انك موووووتني من الضحك

اثريك منت بهين مع البنات الله يستر منك

والله يرفع من مقدارك لانك رفعت من مقدارنا حنا يابنات السعوديه

وتعرررررررف انك مغامر حيل

ويعطيك الف عافيه يالغلا على هذي المواضيع الحلووووووووه مثلك

[أنا الأمووووره وبس]

تسلم والله مره روعه يا شيخ

وانت فله

وتسلم


وانت رفعت راسنا تسلم من جد


مشكوووووووور اخ فصوووووووووووووووووول

[عازف العود]

ومين اللي قلك ان بنات السعودية مو حلوين
<< عاشق بنات السعودية
فيهم ملح الكون كله
الله يحفظهم

تسلم يا فيصيل عالقصة وبصراحة جالس اقول يا ليتني معاكم
<< اسوي نفسي بوديجارد وربي كاااااااااااااااااااااااااي تلقاني متكي مع البنات وام سلطان بالعصا وراياه هههههههههههههههههههههههههههههاي

[ήắdόσ]

هههههههههههههههههههههههههههه
هههههههههههههههههههههههه

والله تعبت من كثر ما اضحك طلعت مو هين يافيصلووووه

بس تسلم رفعت من روحنا المعنويه

الله يعطيك العافيه