السلام عليكم ورحمة الله وبركاته
تخيلوا البنات يخطبون الاولاد
يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السيسي الابيض..
الا و امك داخلة عليك و توها جاية من برا و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ ....
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة و تقول: ....
الراي رايك والشور شورك يايمه..
تقول امك: انا بصراحة ما اشوف في البنت شي. .
ماشالله عليها محترمة و وظيفتها زينه و راتبها ممتاز و من عايلة محترمة و من البيت للدوام و من الدوام للبيت يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي
تقول امك: هي شافتك و انت نازل من سيارتك كم مره يعني معجبه في ادبك
بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه.
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري بالسوالف هذي
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك
و تقول : اه اخيرا حسَت و خطبتني.
و قبل يوم الخميس تروح انت لكوافيير رجالي و تكون مسوي حجز و تقعد و تضبط نفسك وامورك.
وتجي البيت و تلبس الثوب اللي فصلته عند المصمم( عبده شولق) وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي
ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم
ترد هي بعد ما وقفت و عليكم السلام ( و هي تناظر فيك و في كل قطعة فيك) ...
و تقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو
تقول هي: اكيد كله حلو لانك انت اللي مسويه
ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يستنونك و يقولون: ها وشلون شكلها
تقول انت: واي واي تهبل تهبل حلوة و دمها خفيف و ذوق اهههههااي
الا ابوك يسمعك يلولش (يزغرط بالمصري)
لللللللوووولللللوووووشششششششش مبروك يا ولدي
الا بدخلة اختك وتعجبت تقول خير وش عندكم توشوشون.
يقوله ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي
<<< والله وصرتم يالبنات تقولونها
الا بدخلة امك و تسطر اختك كف و تطلع اختك راجعه مع السواق <..تخيلوا عاد
و تمر الايام و انت تجهز و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر
ثم تلف وجهك وانت مستحي
و يتم الزواج و بعد تسعة شهور الا انت تصرخ في الليل الزوجه بتولد
و يودونها المستشفى و تولد و تجيب توأم
وحصل ماحصل وتم كل شيء على الوجه الاكمل.
و ترجع لبيتك تربي عيالك و تطبخ الغدا لزوجتك
وتتخانقون ساعات و تنام و دمعتك على شنبك
ويزيد حدة الخلاف و تاخذ شماغك و عيالك و تروح لبيت اهلك
و تصلح امك ما بينكم و ترجع الحياة مثل اول..
ححححححححححححححححححححححححح
لا تعصبووون يا شبااااااااااب
ملطوش لطشة ليس من بعدها لطشة
طحياطي
العرض العادي
