ماتحسون مرات بضيقة بالصدر مدتها دقايق وبعدها تروح!!

[الهوى الغايب]

بسم الله الرحمن الرحيم

السلام عليكم ورحمة الله وبركاته

يمكن بعضكم يحس بضيقة دقايق وبعدها تروح عنه

ويمكن بعضكم يسال منين جت هالضيقة وليش استمرت دقايق وراحت

ادري ان البعض يبي يعرف سبب هالضيقة المفاجئ

اخوانيواخواتي 00 الشيطان يزين لكم المعصية بالشكل اللي تحبه النفوس لكن يوم تركبون الطائرة ويقول الطيار في خلل فني بالطائرة راح تحسون انكم كل هالفترة كنتم غافلين وتتذكرون المعصية اللي زينها الشيطان وتتحسرون وتقولون ياليت مافعلناها, تكرهون المعصية اللي حبيتوها ليش؟ لانكم عرفتوا حقيقة المعصية اللي كنتوا غافلين عنها وتضيق فيكم الدنيا بسبة هالمعصية

اخواتي الضيقة اللي مدتها دقايق وتروح اصلها الحقيقي معصية عملتوها وهذي اثارها يمكن تكونون شايفين شي محرم او مسوين عمل حرام لان كل معصية تصاحبها ضيقة, وكل طاعة تصاحبها سعادة وجربوا لكن لو الانسان عصى ربه واسغفر كثير ماراح يحس ان شاء الله في هذه الضيقة لانه ندم عليها ولا استمر

تدرون لما تقعدون على فلم او مسلسل شنو راح تحسون بعد فترة؟ بضيقة تجيكم فجأة وتستغربون من هالضيقة المفاجأه اللي سببها الحقيقي معصية من فلم او مسلسل وغيرة وغيرة من المعاصي وتطلع اثارها بعد فترة على الانسان وتشوفون الانسان حاس بضيقة ومايدري شنو سبب هالضيقة, مايدري ان هالضيقة سببها الحقيقي معصية من فلم او مسلسل او معصية عملها ويمكن شخص يسال المسلسلات والافلام يسببون ضيقة؟ اجل منين جت الضيقات الا من الافلام والمسلسلات اللي اربع وعشرين ساعة شغاله بالتلفاز وين تبون يروح اثر هالافلام والمسلسلات ؟ اكيد اثرها على الانسان اللي يتابعها

اخواني واخواتي اعملوا طاعات لله راح تحسون انكم مرتاحين في بيتكم وفي عملكم وفي نومكم وفي كل شي اذا راح ينام من يغمض عيونه يحس انه نام بسرعة وهو مرتاح

واللي يعمل معصية بعد فترة راح يحس بضيقة ولا يحس بالراحه بالبيت او في مكان العمل او عند النوم يقوم يتقلب ساعات لين تجيه غفوة وهذا كله من سبب المعصية

هذا شي من الله عز وجل جعل بالمعصية ضيقة, وجعل بالطاعة سعادة

اخواني واخواتي عسى ربي يبعد عنا الضيقة والهم والحزن وصدقوني ان اللي طائع ربه حياته كلها سعادة وراحة بعكس اللي عايش بالمعاصي مايقعد يومين على بعضهم الا وهو متضايق او ماله خلق او نفسيته تعبانه يمكن يحس براحه يوم وباقي الاسبوع ضيقة وهم لكن المطيع حياته في استمرار راحه واخذوها من مجرب

اكرر يااخواني واخواتي المعصية يصاحبها ضيقة , والطاعة يصاحبها سعادة



تحياتي.................................

[الدانه]

اخوي الغالــــــــي ..//
موضوعـ مميـــــــز.. ..

يعطيك الف الف الف الف عافيـــــــــه..

دمت بود ..

الدانـــــــــــــــــه

[دمعه عالخد]

وجربوا لكن لو الانسان عصى ربه واسغفر كثير ماراح يحس ان شاء الله في هذه الضيقة لانه ندم عليها ولا استمر

استغفر الله العلي العظيم




كلام جدا"" رائع وجميل

صحيح يا كنج كل معصيه تصاحبها ضيقه

يعطيك العافيه على نشاطك المميز

تحياتي لك

[•° ¨ لـورينــا ¨ °•]

تسلم اخوي على الطرح الرائع

الله يعطيك العافيه

[سعبولة في مهب الريح]

استغفر الله العظيم على كل ذنب اذنبته

يعطيك العافيه كينق والله يبعدنا عن المعاصي يارب

طحياطي